KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib

"ISO 22000: Qida təhlükəsizliyi idarəetmə sistemi" ilə bağlı təlim keçiriləcək 23.02.21

Qida sektorunda fəaliyyət göstərən və bu sahədə yeni fəaliyyətə başlayan kiçik və orta müəssisələrin dinamikası, eləcə də KOB subyektlərinin müvafiq təlimə olan ehtiyacı nəzərə alınaraq Kiçik və Orta Biznesin İnkişafı Agentliyinin (KOBİA) Sumqayıt KOB İnkişafı Mərkəzi tərəfindən "ISO 22000: Qida təhlükəsizliyi idarəetmə sistemi"nə dair onlayn təlim keçiriləcək.

Fevralın 25-də, saat 15.00-da təşkil olunacaq təlimdə qida sektorunda fəaliyyət göstərən mikro, kiçik və orta sahibkarlıq subyektlərinin nümayəndələri, qida sahəsində sertifikatlaşma ilə maraqlanan şəxslər, eləcə də müvafiq sahədə çalışan dövlət və özəl qurumların əməkdaşları iştirak edə bilərlər.

Təlim müvafiq sahədə geniş təcrübəyə malik olan Türkiyənin “PGM Project Inspection Engineering & Quality Control Services” şirkətinin eksperti, beynəlxalq sertifikata malik Arzu Yağcı tərəfindən aparılacaq.

Onlayn təlimə aşağıdakı link vasitəsilə qoşulmaq olar:

https://zoom.us/j/95144835728?pwd=Qm5TNWFaRmUxdFQ5emg0bVVNVklnQT09

İD: 951 4483 5728

Şifrə: 212910

Məlumat üçün bildirək ki, “ISO 22000” - qida zəncirindəki təşkilatların qidanın istehlakı zamanı təhlükəsiz olmasını və qida təhlükəsizliyinə olan təhdidlərə nəzarət etməsi üçün lazımi şərtləri əhatə edən idarəetmə sistemi standartıdır. 1 sentyabr 2005-ci il tarixində Beynəlxalq Standart Təşkilatı (ISO) tərəfindən təsdiq olunmuş “ISO 22000: 2005” standartı qida təhlükəsizliyi sahəsində idarəetməyə dair ilk beynəlxalq standartdır. “ISO 22000” sertifikatı müvafiq sahədə fəaliyyət göstərən şirkətlərə bir sıra vacib üstünlüklər qazandırır. Belə ki, müvafiq sertifikat istehsalın hər mərhələsində risklərin minimuma endirilməsi, istehsal xərclərinin azalması, istehlakçıların qidadan qaynaqlanan problemlərinin qarşısının alınması, istehsal, təchizat, nəqliyyat və s. mərhələlərin iştirakçıları arasında rabitənin qurulması, daha yaxşı anbar nəzarətinin həyata keçirilməsi, resursların israfının minimuma endirilməsi baxımından əhəmiyyətlidir. Eyni zamanda “ISO 22000” standartına sahib olan şirkətin beynəlxalq aləmdə rəqabəti daha asan olur, şirkətin istehsal etdiyi məhsullara inam artır.