KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

İqtisadi Əməkdaşlıq və İnkişaf Təşkilatı KOB evi modelini qabaqcıl innovativ təcrübə kimi təqdim edib Azərbaycan və Qətər şirkətləri arasında saziş imzalanıb "Startap" şəhadətnaməsinin verilməsi barədə qərar necə qəbul olunur? “KOB FEST” sərgi-satış yarmarkası bu dəfə Gəncədə Azərbaycan və Vyetnam sahibkarları arasında görüş keçirilib Gəncə və Göygöl şəhərlərində dövlət dəstəyi ilə 15 qonaq evi yaradılıb Mingəçevir, Astara və Samuxda sahibkarlarla görüşlər keçirilib Reklam sektorunun inkişafına dair ictimai müzakirə təşkil olunub Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib

“İstehlakçı hüquqlarının qorunmasında dövlət orqanlarının rolu” mövzusunda konfrans keçirilib 15.03.23

İstehlakçıların hüquqlarının qorunması istiqamətində dövlət qurumlarının və sahibkarların birgə təşəbbüsləri vacibdir.

İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin təşkilatçılığı ilə “İstehlakçı hüquqlarının qorunmasında dövlət orqanlarının rolu” mövzusunda konfransı keçirilib.

Ümumdünya İstehlakçıların Hüquqlarının Müdafiəsi Gününə həsr olunmuş tədbirdə Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov biznes subyektləri və istehlakçılar arasında əlaqələrin genişləndirilməsi, istehlakçıların hüquqlarının qorunması sahəsində dövlət və özəl qurumların birgə səylərinə dair fikirlərini bölüşüb. Qeyd olunub ki, daxili bazarın formalaşdırılması və qorunması istiqamətində qarşıya qoyulan əsas vəzifələrdən biri mövcud tələbatın yerli istehsal hesabına yüksək keyfiyyətli məhsullarla təmin edilməsi, bu sahədə istehlakçı hüquqlarının qorunmasıdır. Ölkəmizdə istehlakçıların hüquqlarının qorunması istiqamətində sahibkarların digər maraqlı tərəflərlə əlaqələrinin genişləndirilməsi də önəmlidir. Təqdirəlayiq haldır ki, biznes subyektləri də bu sahədə təşəbbüs göstərirlər. İstehlakçıların hüquqlarının qorunmasında inzibati tədbirlərlə yanaşı, sahibkarların maarifləndirilməsi və digər dəstək tədbirlərinın həyata keçirilməsi xüsusi əhəmiyyət kəsb edir. Keyfiyyətli və müvafiq standartlara cavab verən məhsul və xidmətlərin istehlakçılara təqdim edilməsi məqsədilə KOBİA tərəfindən istehsal və xidmət sektorunda fəaliyyət göstərən sahibkarlar üçün müxtəlif maarifləndirici tədbirlər keçirilir. Həmçinin, KOBİA tərəfindən mütəmadi olaraq KOB subyektlərinin sərgi və yarmarkalarda iştirakına, onların məhsullarının ticarət şəbəkələrində satışının genişləndirilməsinə dəstək göstərilir.