2022-ci ilin iyul ayı ərzində Kiçik və Orta Biznesin İnkişafı Agentliyinin (KOBİA) 131 Çağrı Mərkəzinə 343 müraciət daxil olub. Müraciətlər əsasən biznesə başlanması və genişləndirilməsi üçün Agentlikdən dəstək, sərgilərdə iştirak, “Startap” şəhadətnaməsi, güzəştli maliyyə vəsaiti, işğaldan azad olunmuş ərazilərdə biznesin qurulması, KOB evi və s. məsələlərlə bağlı olub. Daxil olan zənglərin 12%-ni xidmət, 8%-ni əl işi sənəti, 8%-ni kənd təsərrüfatı, 5%-ni istehsal, 3%-ni ticarət, 1%-ni təhsil və s. sahələrdə fəaliyyət göstərən sahibkarlıq subyektləri təşkil edib.
Müraciətlərin əksəriyyəti Bakı şəhəri üzrə olmaqla, qalanları Qazax-Tovuz, Dağlıq Şirvan, Şirvan-Salyan, Gəncə-Daşkəsən, Abşeron-Xızı, Lənkəran-Astara, Qarabağ, Quba-Xaçmaz və digər iqtisadi rayonlardan daxil olub.
Ümumilikdə bu ilin yanvar-iyul ayları ərzində KOBİA-nın 131 Çağrı Mərkəzinə 2494 zəng daxil olub.
Powered by Froala Editor
