KOBİA-da keçirilmiş vətəndaş qəbulunda sahibkarların müraciətləri və təklifləri dinlənilib, qaldırılan məsələlərin həlli üçün müvafiq tədbirlərin görüləcəyi bildirilib.
Kiçik və Orta Biznesin İnkişafı Agentliyində (KOBİA) növbəti vətəndaş qəbulu keçirilib. KOBİA-nın İdarə Heyətinin sədri Orxan Məmmədov qəbulda iştirak edən kənd təsərrüfatı, sənaye və xidmət sektorlarında fəaliyyət göstərən sahibkarların müraciətlərini dinləyib, suallarını cavablandırıb.
Qəbul zamanı qaldırılan məsələlərin araşdırılacağı və Agentliyin səlahiyyətləri çərçivəsində həlli istiqamətində müvafiq dövlət qurumları ilə birgə tədbirlərin görüləcəyi diqqətə çatdırılıb.
Məlumat üçün bildirək ki, sahibkarlar KOBİA-nın fəaliyyət istiqamətlərinə dair məsələlərlə bağlı www.smb.gov.az internet səhifəsindəki “Müraciətlər” bölməsində qeydiyyatdan keçməklə Agentliyin rəhbər şəxslərinin qəbuluna yazıla bilərlər.
Powered by Froala Editor
