KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib KOB-lar üçün yaşıl iqlim maliyyələşdirilməsinə dair iki günlük seminar keçirilib “Qarabağ KOB-ları 2024” proqramına başlanıb Şəkidə keçiriləcək “KOB FEST” sərgi-satış yarmarkasında məhsul və xidmətlərini təqdim etmək istəyən KOB-ların nəzərinə! Ekoloji, sosial və idarəetmə prinsiplərinə ümumi baxış və trendlər Milli Yaylaq Festivalı çərçivəsində “KOB FEST” sərgi-satış yarmarkası keçirilir

Klasterləşmə ilə bağlı onlayn görüş keçirilib 15.03.24

Sahibkarların KOB klaster üçün nəzərdə tutulan güzəştlər barədə məlumatlandırılması üçün onlayn görüş təşkil olunub.

Kiçik və Orta Biznesin İnkişafı Agentliyinin (KOBİA) təşkilatçılığı ilə KOB klasterləşmə ilə bağlı sahibkarlıq subyektlərinin maarifləndirilməsi məqsədilə görüş keçirilib.

40-dan çox sahibkarın iştirak etdiyi onlayn görüşə müvafiq dövlət qurumlarının nümayəndələri də qatılıb.

Görüşdə KOB klaster anlayışı, klasterləşmənin üstünlükləri, Vergi Məcəlləsində KOB klaster üçün nəzərdə tutulan vergi güzəştləri, KOB klaster şirkəti, KOB klaster şəhadətnaməsinin əldə edilməsi qaydaları barədə məlumat verilib, klasterləşmə sahəsində KOB-lar arasında əməkdaşlıq, müxtəlif sektorlarda, xüsusilə ölkəmiz üçün ənənəvi və prioritet olan kənd təsərrüfatı, nəqliyyat, tikinti, turizm və s. sahələrdə klaster şirkətlərinin yaradılmasına dair fikir mübadiləsi aparılıb, sahibkarları maraqlandıran suallar cavablandırılıb.

Qeyd edək ki, mikro, kiçik və orta sahibkarlar KOB klaster yaratmaqla bir sıra vergi güzəştləri əldə edə bilərlər. Belə ki, KOB klaster şirkəti müvafiq reyestrə daxil edildiyi tarixdən 7 il müddətinə mənfəət, KOB klaster fəaliyyətində istifadə olunan torpaqlara görə torpaq və əmlak vergisindən, texnoloji avadanlıqların və qurğuların idxalı üçün ƏDV-dən azaddır. KOB klasterin iştirakçısı olan şəxs isə 7 il müddətində KOB klaster şirkəti ilə bağlanmış müqavilə əsasında təqdim etdiyi mal üzrə əldə etdiyi mənfəət və ya gəlirin kapital xarakterli xərclərinin çəkilməsinə yönəldilən hissəsinin mənfəət və ya gəlir vergisindən azad olunur. KOB klaster üçün nəzərdə tutulan güzəştlərdən yararlanmaq istəyən kommersiya hüquqi şəxs KOB klaster şirkətinin şəhadətnaməsini almalıdır. Bunun üçün kommersiya hüquqi şəxs KOBİA-ya yazılı və ya elektron qaydada müraciət etməlidir.