Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Ticarət şəbəkələrinin fəaliyyəti ilə bağlı ictimai müzakirə təşkil olunub Sahibkarlarla növbəti görüş Ağcabədi rayonunda təşkil olunub İdeyadan reallığa: yeni nəsil startaplar parlaq gələcək vəd edir Sahibkarların “yaşıl layihə”lərinin maliyyələşdirilməsinə dəstək üçün 450 min manat həcmində qrant ayrılıb Azərbaycan startapı sərhədləri aşır: “CLIMASEL” xarici investorların diqqət mərkəzində... Klasterləşmə təşəbbüsü olan sahibkarların nəzərinə! Biznesin inkişaf etdirilməsi ilə bağlı İmişlidən olan sahibkarların təklifləri dinlənilib İxracla məşğul olan sahibkarlar üçün təlimlərə start verilib 7 KOB subyektinə “Startap” şəhadətnaməsi verilib KOB-ların təhsil, elm, tədqiqat və dəstək layihələrinin maliyyələşdirilməsi ilə bağlı 7-ci qrant müsabiqəsi elan edilir
Klasterləşmə təşəbbüsü olan sahibkarların nəzərinə! 16.04.25
Klasterləşmə təşəbbüsü olan sahibkarların nəzərinə!

Klasterləşmə təşəbbüsü olan sahibkarlar bir sıra vergi güzəştlərindən, eləcə də Kiçik və Orta Biznesin İnkişafı Agentliyi (KOBİA) tərəfindən göstərilən müxtəlif dəstək və xidmətlərdən faydalana bilərlər. Belə ki, KOBİA tərəfindən təqdim edilən “KOB klaster şirkəti şəhadətnaməsi” almış sahibkar 7 il müddətinə 

- mənfəət və ya gəlir vergisindən tam azad edilir;

- torpaq və əmlak vergisindən tam azad olunur;

- müvafiq təsdiqedici sənəd əsasında layihə çərçivəsində xaricdən idxal etdiyi texnika, texnoloji avadanlıq və qurğular üzrə ƏDV-dən tam azad olunur;

- KOB klasterinin iştirakçısı olan sahibkarların KOB klaster şirkətinə təqdim etdiyi mal mənfəət və ya gəlir vergisindən tam azad olunur. 

KOBİA tərəfindən isə klasterləşməyə aşağıdakı istiqamətlərdə dəstək göstərilir:

- informasiya və məsləhət xidməti;

- KOB klasterinin funksional xəritəsinin hazırlanması;

- KOB klasterin yaradılmasının maliyyə-iqtisadi əsaslandırılmasının hazırlanması;

- KOB klasterinin iştirakçısının tapılması. 

Sahibkarlar klasterləşmə ilə bağlı yuxarıda qeyd edilən dəstəklər üçün KOBİA-ya elektron poçt (info@smb.gov.az) və ya rəsmi internet səhifəsi üzərindən birbaşa (https://smb.gov.az/az/contact-form/aze-citizen) müraciət edə bilərlər.  

Qeyd edək ki, KOB klaster - eyni və ya oxşar iqtisadi fəaliyyət sahələrində, müəyyən coğrafi bölgədə yerləşmə əsasında yaranan, işçi qüvvəsini, vahid bazarı və xidmətləri bölüşən, qarşılıqlı iqtisadi münasibətlər quraraq əlaqəli, bir-birini tamamlayan və birgə fəaliyyət göstərən KOB klaster şirkəti və KOB klaster iştirakçılarının məcmusudur. KOB klasterin yaradılmasına dövlət dəstəyi, o cümlədən güzəştlər, KOB klaster şirkəti şəhadətnaməsini almaq üçün lazım olan sənədlər barədə məlumatı KOBİA-nın saytından (https://smb.gov.az/az/nav/kob-klaster) və ya 131 Çağrı Mərkəzindən öyrənmək olar. 

 

Powered by Froala Editor