KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

“Sahibkarlar Günü”nə həsr olunmuş konfrans keçirilib KOBİA və Somali Federativ Respublikasının nümayəndələri arasında görüş keçirilib Keniya nümayəndə heyəti “Bakı KOB evi”nin fəaliyyəti ilə tanış olub Ekoloji, sosial və korporativ idarəetmə standartları üzrə alt-qrupun növbəti iclası keçirilib Qazaxıstanın tələbə və magistrları “Bakı KOB evi”ndə olublar “Startap” şəhadətnaməsi hansı meyarlar əsasında verilir? – MƏLUMATLANDIRMA KOBİA “Caspian Investment Forum Bishkek 2024” tədbirində iştirak edib Bu ilin birinci rübündə 16 KOB subyektinə “Startap” şəhadətnaməsi verilib Dövlət-sahibkar əməkdaşlığı platforması çərçivəsində sahibkarlarla görüşlər davam edir Kənd təsərrüfatı və qida sektorunda fəaliyyət göstərən KOB subyektlərinin nəzərinə!

KOB dostları üçün təlimlər keçirilir 06.09.21

Biznesin qurulması və inkişafı ilə bağlı mikro, kiçik və orta sahibkarlara yerində dəstək və xidmətlər göstərən Kiçik və Orta Biznesin İnkişafı Agentliyinin (KOBİA) KOB dostu şəbəkəsinin əhatə dairəsi genişlənir. Artıq ölkə üzrə 31 KOB dostu fəaliyyət göstərir.

Sahibkarlara göstərilən xidmət səviyyəsinin artırılması və yeni əməkdaşların iş prosesinə adaptasiyası məqsədilə KOB dostlarının dövlət dəstəyi mexanizmləri, o cümlədən Agentliyin xidmətləri barədə biliklərinin və peşəkarlığının artırılması üçün mütəmadi olaraq təlimlər və digər tədbirlər təşkil edilir.

4-5 sentyabr tarixlərində Qəbələ şəhərində Agentliyin ölkənin 26 şəhər və rayonunda fəaliyyət göstərən KOB dostları ilə növbəti görüş keçirilib. Görüşdə KOB dostları tərəfindən sahibkarlara yüksək səviyyəli xidmətin göstərilməsi, qarşılaşdıqları çətinliklərin operativ həlli, ehtiyaclarının düzgün müəyyənləşdirilməsi və təmin olunması istiqamətində fikir mübadiləsi aparılıb. İş prosesində rast gəlinən çətinliklər müzakirə edilib, sahibkar-KOB dostu ünsiyyətinə dair fərdi və komanda tapşırıqları keçirilib.

Görüş çərçivəsində həmçinin, KOB dostları üçün “Korporativ idarəetmə” mövzusunda təlim təşkil olunub. İnteraktiv təlim metodlarından və işgüzar oyunlardan istifadə olunmaqla keçirilmiş təlimdə KOB dostları korporativ idarəetmənin əhəmiyyəti, prinsipləri, bu sahədə standartlar və beynəlxalq təcrübə barədə məlumatlandırılıb.

Tədbirdə xidməti fəaliyyətində fərqlənən KOB dostlarına təşəkkürnamə, təlim iştirakçılarına isə sertifikatlar təqdim edilib.