Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Daha 3 KOB subyektinə “Startap” şəhadətnaməsi verilib Yaşıl nəqliyyat biznesi ilə bağlı ictimai müzakirə təşkil olunub AQEM Biznes Şurasının 8-ci Plenar İclası və 10-cu Biznes Forumu barədə video material Regionlarda sahibkarlıq fəaliyyəti üçün imkanlar: KOB evləri, KOB dostları, KOB inkişaf mərkəzləri “Yerli şirkətlərin tanıtım sərgisi” başlayır İdxal-ixracla məşğul olan sahibkarlarla görüş keçirilib Bakıda AQEM-in Biznes Şurasının 8-ci Plenar İclası və 10-cu Biznes Forumu keçirilib “2-ci Türk Ticarət Sərgisi”ndə məhsul və xidmətlərini təqdim etmək istəyən KOB-ların nəzərinə! Azərbaycan və Türkiyənin gənc iş adamları əməkdaşlıq imkanlarını müzakirə ediblər Süni intellektlə gücləndirilmiş innovativ startaplar
KOB-ların maliyyələşdirilməsi məsələləri müzakirə edilib 22.06.21
KOB-ların maliyyələşdirilməsi məsələləri müzakirə edilib

“KOB-ların maliyyə resurslarına çıxışı onların inkişafı baxımından mühüm əhəmiyyət kəsb etməklə, sahibkarlara innovativ yeniliklər etmək, yeni bazarlara çıxmaq, daha effektiv fəaliyyət göstərmək və yeni iş yerləri yaratmaq imkanı verir. Aparılmış sorğu və araşdırmalar KOB-ların aşağı faizli kreditlərə, kredit zəmanətlərinə, kənd təsərrüfatı kreditlərinə daha çox ehtiyacının olduğunu göstərir. Dövlət tərəfindən investisiya qoyuluşu, lizinq və qrantlara da potensial tələb vardır”.


Bu barədə Azərbaycan-Fransa Ticarət və Sənaye Palatasınının və “Paşa Bank” ASC-nin birgə təşkilatçılığı ilə keçirilmiş “KOB-lar üçün maliyyəyə çıxış” mövzusunda konfransdakı çıxışında Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov bildirib. Qeyd olunub ki, Azərbaycanda KOB-ların maliyyəyə çıxışını yaxşılaşdırmaq üçün bir sıra dövlət dəstəyi tədbirləri həyata keçirilir, güzəştli kredit, zəmanət və digər bu kimi dəstəklər mövcuddur. Agentlik əsas fəaliyyət istiqamətlərindən biri kimi KOB-ların maliyyə resurslarına çıxışının dəstəklənməsi istiqamətində müvafiq işlər görür. Hazırda Agentlik KOB-lara daxili bazar araşdırmasının aparılması üçün maliyyə dəstəyi göstərir, onların təhsil, elm, tədqiqat və dəstək layihələrini maliyyələşdirir. Kreditlərin cəlb edilməsi üçün keyfiyyətli layihələrin və biznes planların hazırlanması məqsədilə sahibkarlar üçün Agentliyin KOB İnkişaf Mərkəzi tərəfindən ödənişsiz təlimlər keçirilir, onlara məsləhət və əlaqələndirmə xidmətləri göstərilir. Bundan başqa, Agentlik KOB-ların xarici ticarətlə bağlı maliyyə ehtiyacının qarşılanması üçün bir sıra uğurlu təşəbbüslər həyata keçirib. Hazırda KOBİA KOB-ların maliyyələşdirilməsi üçün yeni və alternativ maliyyələşdirmə mexanizmləri üzərində işləyir, KOB İnkişaf Fondunun yaradılması prosesi davam edir. 


Qeyd edək ki, dövlət və özəl sektorun, beynəlxalq təşkilatların iştirakı ilə təşkil olunmuş konfransda KOB-ların maliyyələşdirilməsi üçün mövcud dəstək mexanizmlərinə və bu sahədə görüləcək tədbirlərə dair ətraflı fikir mübadiləsi aparılıb.

Powered by Froala Editor