KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

İqtisadi Əməkdaşlıq və İnkişaf Təşkilatı KOB evi modelini qabaqcıl innovativ təcrübə kimi təqdim edib Azərbaycan və Qətər şirkətləri arasında saziş imzalanıb "Startap" şəhadətnaməsinin verilməsi barədə qərar necə qəbul olunur? “KOB FEST” sərgi-satış yarmarkası bu dəfə Gəncədə Azərbaycan və Vyetnam sahibkarları arasında görüş keçirilib Gəncə və Göygöl şəhərlərində dövlət dəstəyi ilə 15 qonaq evi yaradılıb Mingəçevir, Astara və Samuxda sahibkarlarla görüşlər keçirilib Reklam sektorunun inkişafına dair ictimai müzakirə təşkil olunub Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib

KOBİA “Ambisiyaların artırılması və fəaliyyətə təkan: COP29 Dayanıqlı Biznes Forumu”nda təmsil olunub 17.05.24

“Yaşıl iqtisadiyyat”da KOB-ların rolunu artırmaq üçün yeni təşviq mexanizmlərinin yaradılması istiqamətində işlər davam etdiriləcək.

Bakıda “Ambisiyaların artırılması və fəaliyyətə təkan: COP29 Dayanıqlı Biznes Forumu” keçirilib. Yerli istehsal müəssisələrinin, beynəlxalq təşkilatların və dövlət qurumlarının nümayəndələrinin iştirak etdiyi tədbirdə sıfır karbonlu gələcəyə keçid, iqlim dəyişikliklərinin Azərbaycanda özəl sektor üçün yaratdığı çağırışlar və imkanlar, bu prosesdə sahibkarların rolu müzakirə edilib.

Forum çərçivəsində təşkil olunan “Biznesin davamlılığının artırılması: İqlim dəyişikliyi ilə mübarizə üçün özəl sektorun fəaliyyət strategiyaları” mövzusunda paneldə Kiçik və Orta Biznesin İnkişafı Agentliyi (KOBİA) də təmsil olunub. Tədbirdəki çıxışında KOBİA-nın İdarə Heyəti sədrinin müavini Rüfət Atakişiyev “yaşıl biznes”in KOB-lar üçün faydası, bu sahədə Agentliyin fəaliyyəti barədə məlumat verib. Qeyd olunub ki, istehsalatda səmərəli və qənaətli texnologiyaların tətbiqi, eləcə də yaşıl innovasiyaların biznes proseslərinə inteqrasiyası KOB subyektlərinin xərclərinin optimallaşdırılmasına, məhsuldarlığının yüksəldilməsinə və rəqabət qabiliyyətinin artırılmasına müsbət təsir göstərir. İstehsal prosesinin ətraf mühitin mühafizəsi standartlarına uyğunlaşdırılması və yaşıl məhsulların istehsalı biznesin ixrac potensialının və maliyyə resurslarına çıxış imkanının artırılmasına xidmət edir. KOBİA təlim, məsləhət, qrant və s. kimi müxtəlif dəstək mexanizmləri çərçivəsində KOB-ların “yaşıl iqtisadiyyat”a keçidini təşviq etməyə çalışır. “Yaşıl iqtisadiyyat”da KOB-ların rolunu artırmaq üçün yeni təşviq mexanizmlərinin yaradılması istiqamətində işlər davam etdiriləcəkdir.