KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib

KOBİA beşinci “Brand Award Azerbaijan” milli mükafatının rəsmi tərəfdaşıdır 13.04.21

Kiçik və Orta Biznesin İnkişafı Agentliyi (KOBİA) “Caspian Energy Club”un təşkil etdiyi beşinci “Brand Award Azerbaijan” milli mükafatının rəsmi tərəfdaşı qismində çıxış edəcək.

“Caspian Energy Club”un sədri və baş icraçı direktoru Telman Əliyev qeyd edib ki, “Brand Award Azerbaijan” müsabiqəsinin əsas məqsədi yerli brendlərin tanınmasına, kiçik və orta biznesə bu istiqamətdə dəstək verməkdir. Telman Əliyev: “KOBİA və “Caspian Energy Club” arasında uzunmüddətli, səmərəli əməkdaşlıq mövcuddur. Agentlik hər zaman biznes-hökumət dialoqunun inkişafı istiqamətində aktiv iştirak edib, bu sahədə uğurlu addımlar atmaqdadır. KOBİA-nın “Brand Award Azerbaijan” milli mükafatını rəsmi tərəfdaş qismində dəstəkləməsi bunun daha bir əyani nümunəsidir” – deyə vurğulayıb.

Qeyd edək ki, “Brand Award Azerbaijan” milli müsabiqəsində Azərbaycanın yerli korporativ, xidməti və məhsul brendləri arasında 2021-ci ilin ən tanınan 50 brendi seçilərək mükafatlandırılacaq. Səsvermə 26 aprel – 23 may tarixində “www.brandaward.az” saytında keçiriləcək. Mükafatın təqdimetmə mərasimi isə onlayn formatda 1 iyun tarixində baş tutacaqdır. “Brand Award Azerbaijan” milli müsabiqəsində qalib gələn 50 brend, həmçinin, Xəzər-Qara dəniz regionundakı ölkələrdə keçirilən “Brand Award” müsabiqələrində qalib olan həmin ölkələrin milli brendləri ilin sonunda yekun “Brand Award International” müsabiqəsində birbaşa iştirak etmək imkanı əldə edəcək.

https://fed.az/az/biznes/kobia-brand-award-azerbaijan-in-resmi-terefdasi-oldu-103691