Azərbaycan Respublikasının Kiçik və Orta Biznesin İnkişafı Agentliyində (KOBİA) 20 Yanvar faciəsinin 30-cu ildönümü ilə bağlı anım tədbiri keçirilib.
Əvvəlcə Azərbaycanın müstəqilliyi və ərazi bütövlüyü uğrunda canlarından keçmiş şəhidlərin əziz xatirəsi bir dəqiqəlik sükutla yad edilib.
Tədbirdə çıxış edən Agentliyin İdarə Heyəti sədrinin müavini Nadir Adilov 20 Yanvar faciəsi barədə danışaraq, 1990-cı ilin yanvarın 19-dan 20-nə keçən gecə Sovet imperiyasının Bakıda törətdiyi faciənin Azərbaycan xalqının yaddaşına azadlıq və müstəqillik uğrunda mübarizə tarixi kimi əbədi həkk olunduğunu vurğulayıb.
Tədbirdə çıxış edənlər 20 Yanvar faciəsinin heç zaman unudulmayacağını, Vətənimizin müstəqilliyi uğrunda canlarından keçmiş şəhidlərimizin əziz xatirəsinin Azərbaycansevərlərin qəlbində daim yaşayacağını qeyd ediblər.
Sonda 20 Yanvar faciəsinə həsr olunmuş “Müqəddəs məkan” filmi nümayiş olunub.
Powered by Froala Editor
