Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
KOBİA könüllülük proqramı ilə bağlı nəticələri açıqlayıb: 850-yə yaxın gənc real iş mühitində təcrübə qazanıb Naxçıvanda 2-ci Azərbaycan-Türkiyə Regional İqtisadi Forumu keçirilib KOBİA startap yarışları ilə yerli layihələrin investorlar üçün cəlbediciliyini artırır KOBİA startapların inkişafı üçün yeni proqramlar tətbiq edəcək Xarici investorların Azərbaycan startaplarına marağı artıb Sənaye, kənd təsərrüfatı və nəqliyyat sahələri üzrə texniki reqlament layihələrinin ictimai müzakirəsi keçirilib Sahibkarların fəaliyyət mühitinin yaxşılaşdırılması ilə bağlı ictimai müzakirə keçirilib Azərbaycan və İordaniya KOB-ları arasında əməkdaşlığın genişləndirilməsi üçün sənəd imzalanıb Azərbaycan məhsulları “Halal Expo 2025” sərgisində Aşağıgərginlikli elektrik qurğu və avadanlıqları və texniki vasitələrin elektromaqnit uzlaşmasına dair texniki reqlament layihələrinin ictimai müzakirəsi keçirilib
KOBİA ilə Macarıstanın müvafiq qurumları arasında görüşlər keçirilib 14.02.20
KOBİA ilə Macarıstanın müvafiq qurumları arasında görüşlər keçirilib

Azərbaycan Respublikası Hökuməti və Macarıstan Respublikası Hökuməti arasında İqtisadi Əməkdaşlıq üzrə Birgə Komissiyanın Budapeştdə keçirilən 7-ci iclası çərçivəsində Azərbaycan Respublikasının Kiçik və Orta Biznesin İnkişafı Agentliyinin (KOBİA) nümayəndələri Macarıstanın müvafiq qurumlarında bir sıra görüşlər keçirib.

KOBİA-nın İdarə Heyətinin sədri Orxan Məmmədovun Macarıstanın İxracın Təşviqi Agentliyinin (HEPA) baş icraçı direktoru Balas Hendriç ilə təşkil olunmuş görüşündə birgə tədbirlərin keçirilməsinə, ixracla məşğul olan KOB-lar üçün bazar araşdırmaları metodologiyasına və maliyyələşdirmə mexanizmlərinə, kənd təsərrüfatı, sənaye, İKT və səhiyyə sahələrində fəaliyyət göstərən KOB-lar arasında əməkdaşlığa, birgə Tədbirlər Planının hazırlanmasına və HEPA nümayəndə heyətinin Bakıya səfərinə dair müzakirələr aparılıb.

Qeyd edək ki, 2019-cu ildə Bakıda keçirilmiş Türkdilli Dövlətlərin Əməkdaşlıq Şurasının 7-ci Zirvə Görüşü çərçivəsində təşkil olunmuş Biznes Forumda KOBİA ilə HEPA arasında əməkdaşlığa dair Anlaşma Memorandumu imzalanıb.

Macarıstanın Ticarət və Sənaye Palatasının Qərbi Balkan Komitəsinin prezidenti Atilla Qalambos ilə KOBİA nümayəndələri arasında təşkil olunmuş görüşdə isə Agentliyin fəaliyyəti barədə məlumat verilib, birgə tədbirlərin və qarşılıqlı missiyaların təşkilinə, ölkəmizdə kənd təsərüfatı və qida sənayesi sahəsində Macarıstan şirkətləri ilə birgə müəssisələrin, eləcə də hər iki ölkənin KOB subyektləri arasında əməkdaşlığın inkişafı məqsədilə ortaq platformanın yaradılmasına dair fikir mübadiləsi aparılıb, Macarıstan şirkətləri ölkəmizdə yaradılmış əlverişli biznes və investisiya mühitindən daha aktiv istifadə etməyə dəvət olunub.

Komissiyanın 7-ci iclası çərçivəsində hər iki ölkənin KOB-ları və müvafiq qurumları arasında əməkdaşlıq imkanlarının genişləndirilməsi məsələləri də gündəliyə salınıb.

Powered by Froala Editor