Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Mikro və kiçik sahibkarların ticarət şəbəkələrinə çıxışına dəstək üçün müraciətlərin qəbuluna başlandı “Sancaktar” şirkəti ilə görüş keçirilib Sahibkarlar peşəkar kadrlarla çalışmağa üstünlük verməlidir Azərbaycan məhsulları Beynəlxalq Qida və İçki Sərgisində nümayiş olunur 2022-ci ilin ilk “Startap” şəhadətnamələri sahibkarlara təqdim edilib Qətər şirkəti ilə KOBİA-da görüş keçirilib KOBİA və Ukraynanın İnvestisiyaların Təşviqi və Dəstəklənməsi İdarəsi arasında Memorandum imzalanıb KOBİA-nın nümayəndələri Ukraynanın İqtisadiyyat Nazirliyində olublar KOBİA və Ukraynanın Sahibkarlıq və İxracın Təşviqi Ofisi arasında müzakirələr aparılıb KOBİA nümayəndələri Ukraynanın İnvestisiyaların Təşviqi Ofisində olub
KOBİA “Qlobal iqtisadiyyatda cari inkişaf və Türk dövlətləri arasında ticarətin inkişaf perspektivləri” mövzusunda paneldə təmsil olunub 11.11.21
KOBİA “Qlobal iqtisadiyyatda cari inkişaf və Türk dövlətləri arasında ticarətin inkişaf perspektivləri” mövzusunda paneldə təmsil olunub

İstanbulda Türkiyənin Ticarət Nazirliyinin və Xarici İqtisadi Əlaqələr Qurumunun (DEİK) təşkilatçılığı ilə keçirilmiş Türkdilli Dövlətlərin İqtisadiyyat və Ticarət Konfransı çərçivəsində “Qlobal iqtisadiyyatda cari inkişaf və Türk dövlətləri arasında ticarətin inkişaf perspektivləri” mövzusunda panel müzakirələr təşkil olunub. Tədbirdə Kiçik və Orta Biznesin İnkişafı Agentliyi (KOBİA) də təmsil olunub. 

Tədbirdəki çıxışında KOBİA-nın İdarə Heyətinin sədri Orxan Məmmədov Türkdilli ölkələrin işgüzar dairələr arasında əməkdaşlıq imkanlarına dair fikir və təkliflərini bölüşüb. Qeyd olunub ki, Türkdilli ölkələrdən olan investorların cəlb edilməsi ilə dövlət-özəl sektor tərəfdaşlığı (PPP) modelinin tətbiqinin genişləndirilməsi, KOB subyektləri arasında birgə müzakirə platformalarının inkişaf etdirilməsi, aidiyyəti dövlət qurumları arasında təcrübə mübadiləsi və birgə təşəbbüslərin reallaşdırılması Türkdilli ölkələr arasında ticarət dövriyyəsinin həcm və çeşidinin artmasına, biznes əlaqələrin inkişafına öz töhfəsini verəcəkdir. Qarabağ regionunda layihələrdə iştirakda maraqlı olan investorlardan KOBİA-ya daxil olmuş müraciətlərin 50%-dən çoxunun Türk Şurasına üzv və müşahidəçi ölkələrin payına düşdüyünü qeyd edən Orxan Məmmədov Azərbaycanda və işğaldan azad edilmiş ərazilərdə biznes fəaliyyətinə maraq göstərən Türkdilli dövlətlərin sahibkarlarını KOBİA ilə əməkdaşlığa dəvət edib, Agentliyin dəstək və xidmətləri barədə məlumat verib. 

Powered by Froala Editor