![KOBİA və AYİB nümayəndələri arasında əməkdaşlığa dair müzakirələr aparılıb](https://smb.gov.az/storage/1472/MI6RlHqgGHKQR-FF_QwvpbaxZD9JcM1A.jpeg)
Azərbaycan Respublikasının Kiçik və Orta Biznesin İnkişafı Agentliyinin (KOBİA) nümayəndələri Böyük Britaniya və Şimali İrlandiya Birləşmiş Krallığına səfər çəçivəsində martın 6-da Londonda Avropa Yenidənqurma və İnkişaf Bankının (AYİB) rəhbər vəzifəli şəxsləri ilə görüşlər keçirib.
KOBİA-nın İdarə Heyətinin sədri Orxan Məmmədov və AYİB-in Davamlı İnfrastruktur Siyasəti Bölməsinin rəhbəri Con Sid, İnfrastruktur Layihələrin Hazırlanması Bürosunun səlahiyyətli təmsilçisi Markos Martinez, İnfrastruktur Fondlarının rəhbəri Sinner Karsten arasında təşkil olunmuş görüşlərdə Agentliyin fəaliyyəti, ölkəmizdə KOB sektorunun inkişafı, bu istiqamətdə görülən işlər barədə məlumat verilib, AYİB-lə KOB və dövlət-özəl tərəfdaşlığı (PPP) sahələrində əməkdaşlığa dair müzakirələr aparılıb. Görüşdə KOBİA-nın nəzdində yaradılmış Dövlət-Sahibkar Tərəfdaşlığının İnkişafı Mərkəzinin potensialının gücləndirilməsinə dəstək göstərilməsi, banklar tərəfindən maliyyələşdirilə biləcək PPP layihələri, eləcə də KOB-lar üçün əməliyyat standartları, maliyyə mənbələrinə çıxış, innovativ təcrübə və texnologiyaların tətbiqi, ticarətin təşviqi, qadın sahibkarlığının inkişafı sahələrində əməkdaşlıq məsələləri xüsusilə vurğulanıb.
Powered by Froala Editor