Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
COP30 çərçivəsində “KOB-ların yaşıl keçidi üçün Bakı İqlim Koalisiyası: Belem statusu” mövzusunda panel müzakirə təşkil olunub Enerji səmərəliliyi ilə əlaqəli enerji istehlak edən qurğu və avadanlıqlara dair texniki reqlament layihələrinin ictimai müzakirəsi baş tutub Növbəti “İnvestisiya səyahəti” tədbiri Şamaxıda keçirilib KOB Model Müəssisə istehsal prosesində sahibkarlara dəstək göstərir KOB inkişafı mərkəzləri biznes sahəsində 300-dən çox təlim keçib Gələn il KOB-ların rəqəmsallaşma və yaşıl keçid üzrə şəbəkələşməsi genişləndiriləcək Azərbaycan sahibkarlarının təqribən 23 faizini qadınlar təşkil edir Qarabağda biznes qurmaq üçün 3500-dən çox yerli sahibkar KOBİA-ya müraciət edib Zəfər Günü münasibətilə Göyçayda “KOB FEST” sərgi-satış yarmarkası keçirilir Azərbaycan - Birləşmiş Ərəb Əmirlikləri Birgə Biznes Şurasının həmsədrlərinin ilk iclası keçirilib
KOBİA və Serbiyanın İnkişaf Agentliyi 2026-2027-ci illər üzrə KOB sahəsində əməkdaşlığa dair Yol Xəritəsini təsdiq ediblər 24.10.25
KOBİA və Serbiyanın İnkişaf Agentliyi 2026-2027-ci illər üzrə KOB sahəsində əməkdaşlığa dair Yol Xəritəsini təsdiq ediblər

Belqradda imzalanmış Yol Xəritəsində bir sıra tədbirlər nəzərdə tutulur.

Serbiyanın Belqrad şəhərində keçirilən Azərbaycan Respublikası ilə Serbiya Respublikası arasında ticarət və iqtisadi əməkdaşlıq üzrə Hökumətlərarası Komissiyanın 9-cu iclası çərçivəsində Kiçik və Orta Biznesin İnkişafı Agentliyi (KOBİA) və Serbiyanın İnkişaf Agentliyi (RAS) əməkdaşlığa dair Yol Xəritəsini təsdiq ediblər. 

Sənəd 2022-ci ildə KOBİA və Serbiyanın İnkişaf Agentliyi arasında imzalanmış əməkdaşlıq haqqında Anlaşma Memorandumunun icrası istiqamətində fəaliyyətin təşkilini nəzərdə tutur. 2026-2027-ci illəri əhatə edən Yol Xəritəsində Azərbaycan və Serbiya KOB-ları arasında əlaqələrin qurulmasına dəstək, KOB-larla bağlı tədbirlər, onlar üçün ən yaxşı dəstək mexanizmləri və biznes imkanları haqqında məlumat və təcrübə mübadiləsi, KOB-larla əlaqəli təşkilatlar arasında əməkdaşlığın qurulması, mövcud məlumatların qarşılıqlı şəkildə paylaşılması, tərəflərin təşkilatçılığı ilə keçirilən tədbirlərdə iştiraka dəstək və digər məsələlər öz əksini tapıb. 

KOBİA-nın İdarə Heyətinin sədri Orxan Məmmədov Hökumətlərarası Komissiyanın iclasında və Azərbaycan–Serbiya biznes forumundakı çıxışlarında KOB-ların inkişafı sahəsində əməkdaşlığın genişləndirilməsinin önəmini vurğulayıb. O, KOB evi ilə bağlı təcrübənin paylaşılması və Agentliyin təşəbbüsü ilə irəli sürülmüş Bakı İqlim Bəyyanaməsinə qoşulma kimi istiqamətlərin əməkdaşlığa töhfə verəcəyini qeyd edib. KOBİA sədri Agentliyin fəaliyyəti, KOB-lara göstərilən dəstək və xidmətlər barədə də məlumat verib.

Powered by Froala Editor