KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib KOB-lar üçün yaşıl iqlim maliyyələşdirilməsinə dair iki günlük seminar keçirilib “Qarabağ KOB-ları 2024” proqramına başlanıb

KOBİA-ya mart-aprel aylarında 1300-dən çox müraciət daxil olub 07.05.20

Azərbaycan Respublikasının Kiçik və Orta Biznesin İnkişafı Agentliyinə (KOBİA) bu ilin mart-aprel ayları ərzində 746 müraciət daxil olub.

Daxil olmuş müraciətlərin 370-ə yaxını koronavirus pandemiyası və bununla əlaqəli məsələlər, o cümlədən pandemiya səbəbindən sahibkarların qarşılaşdıqları çətinliklər və sahibkarlara dövlətin maliyyə-iqtisadi dəstək tədbirləri ilə bağlıdır. Müraciətlərin 225-i sahibkarlığın inkişafı, 105-i sahibkarlıqla bağlı yaranmış problemlər, 50-si KOBİA-nın sahibkarlara göstərdiyi dəstək və xidmətlər, eləcə də digər məsələlərlə əlaqədardır.

Mart-aprel ayları ərzində KOBİA-nın 131 Çağrı Mərkəzinə isə 598 müraciət daxil olub. Müraciətlərin 299-u koronavirus pandemiyası və bununla bağlı məsələlər, o cümlədən pandemiya ilə əlaqədar sahibkarların qarşılaşdıqları çətinliklər və onlara göstərilən maliyyə-iqtisadi dəstək tədbirləri, 71-i biznesə başlanılması və mövcud sahibkarlıq fəaliyyətinin genişləndirilməsinə dəstək göstərilməsi, 228-i isə Agentliyin dəstək mexanizmləri, güzəştli maliyyəyə çıxış, əməkdaşlıq və digər məsələlərlə bağlıdır.

KOBİA-ya daxil olmuş müraciətlər qanunvericiliyə uyğun olaraq cavablandırılıb, araşdırma tələb edən müraciətlər isə Agentliyin struktur bölmələri tərəfindən araşdırıldıqdan sonra sahibkarlara müvafiq məlumat verilib.