KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Qadın sahibkarların biznes bilikləri artırılır KOB sahəsində əməkdaşlıq imkanlarına dair fikir mübadiləsi aparılıb Kənd qonaq evləri - ölkə turizminin inkişafında yeni səhifə Beynəlxalq təhlilçi Hamdi Rifai ilə görüş keçirilib KOB-ların təhsil, elm, tədqiqat və dəstək sahələri üzrə layihələrinin maliyyələşdirilməsinə başlanılıb Korrupsiyaya qarşı mübarizəyə dair tədbir keçirilib UNDP-nin Azərbaycan üzrə rezident nümayəndəsi ilə görüş keçirilib “İstehlakçı hüquqlarının qorunmasında dövlət orqanlarının rolu” mövzusunda konfrans keçirilib Almaniya-Azərbaycan birgə Proqramının məzunları üçün seminar keçirilib KOBİA nümayəndələri "VMF Natural Frequencies" saat fabrikində olub

KOBİA yanında İctimai Şuranın forumunda qiymətləndirmə fəaliyyəti haqqında Qanuna dəyişikliklər müzakirə edilib 15.03.21

Martın 15-də Kiçik və Orta Biznesin İnkişafı Agentliyi (KOBİA) yanında İctimai Şuranın təşkilatçılığı və “Azərbaycan Qiymətləndiricilər Cəmiyyəti” İctimai Birliyinin tərəfdaşlığı ilə “Qiymətləndirmə fəaliyyəti haqqında” Azərbaycan Respublikası Qanununa gözlənilən dəyişikliklər” mövzusunda onlayn forum keçirilib.

KOBİA-nın dəstəyi, Milli Məclisin, aidiyyəti dövlət qurumlarının, ictimai təşkilatların və qiymətləndirmə fəaliyyəti ilə məşğul olan sahibkarlıq subyektlərinin iştirakı ilə təşkil olunmuş forumda qiymətləndirmə sahəsində fəaliyyətin hüquqi tənzimlənməsinə, bu sahədə qanunvericiliyə gözlənilən dəyişikliklərə və müvafiq sahədə fəaliyyət göstərən sahibkarlıq subyektlərini maraqlandıran digər məsələlərə dair müzakirələr aparılıb, iştirakçıları maraqlandıran suallar cavablandırılıb.

KOBİA-nın İdarə Heyətinin sədri Orxan Məmmədov qeyd edib ki, dövlət və özəl sektor arasında səmərəli əlaqələrin qurulması, dövlət-sahibkar əməkdaşlığının inkişafı Agentliyin fəaliyyət istiqamətlərindəndir və bu məqsədlə mütəmadi olaraq sahəvi görüşlər, Agentlik yanında İctimai Şuranın təşkilatçılığı ilə müxtəlif mövzularda forumlar təşkil olunur. Onlayn forumun məqsədi qiymətləndirmə sahəsində qanunvericiliyə gözlənilən dəyişikliklərin ictimai müzakirəsinə vasitəçilik etmək, bu sahədə aidiyyəti qurumların və sahibkarların təkliflərinin öyrənilməsidir. Vurğulanıb ki, qiymətləndirmə sahəsində hüquqi bazanın müasir tələblər və mövcud bazar şərtləri ilə uzlaşmaması və digər məsələlər qiymətləndiricilərin sahibkarlıq subyekti kimi inkişafında müəyyən çətinliklər yaradır.

“Azərbaycan Qiymətləndiricilər Cəmiyyəti” İctimai Birliyinin sədri Nüsrət İbrahimov ictimai birliyin fəaliyyəti barədə məlumat verərək 36 qiymətləndirmə şirkətinin cəmiyyətin üzvü olduğunu diqqətə çatdırıb. Qeyd edilib ki, qiymətləndirmə fəaliyyəti haqqında 1998-ci ildə qəbul edilmiş qanun müasir çağırışlara və beynəlxalq standartların tələblərinə cavab vermir, peşəkar fəaliyyətə nəzarəti məhdudlaşdırır. Beynəlxalq standartlar nəzərə alınmaqla hazırlanan yeni qanunvericilik müvafiq sahənin inkişafında əhəmiyyətli olacaqdır.

Onlayn forumda Milli Məclisin deputatı Vuqar Bayramov, İqtisadiyyat Nazirliyinin Hüquq şöbəsinin sektor müdiri Nuranə Abbasova, əmlak sahəsində ekspert Ramil Osmanlı, “Azərbaycan Qiymətləndiricilər Cəmiyyəti” İctimai Birliyinin və qiymətləndirici şirkətlərin nümayəndələri qiymətləndirmə sahəsində mövcud vəziyyətə, yeni qanun layihəsinə dair fikirlərini və təkliflərini bölüşüblər.