KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib

“Korporativ idarəetmə, investisiyalar, investorların maraqlarının qorunması, biznes etikası və korporativ sosial məsuliyyət” üzrə İşçi Qrupunun iclası keçirilib 27.12.21

Dekabrın 24-də “Biznes mühiti və Beynəlxalq reytinqlər üzrə Komissiya”nın “Korporativ idarəetmə, investisiyalar, investorların maraqlarının qorunması, biznes etikası və korporativ sosial məsuliyyət” İşçi Qrupunun növbəti iclası keçirilib.

Onlayn formatda təşkil olunmuş iclasda Azərbaycan Respublikası Prezidentinin Administrasiyası, İqtisadiyyat, Ədliyyə, Ekologiya və Təbii Sərvətlər nazirlikləri, Dövlət Statistika Komitəsi, Mərkəzi Bank, Kiçik və Orta Biznesin İnkişafı Agentliyinin (KOBİA) məsul əməkdaşları iştirak ediblər. İclasa aidiyyəti dövlət qurumlarının nümayəndələri ilə yanaşı, Konstitusiya Araşdırmalar Fondunun, “KPMG Azerbaijan Ltd” və “Deloitte & Touche” şirkətlərinin əməkdaşları da qatılıb.

İşçi Qrupunun yeni rəhbəri, KOBİA-nın İdarə Heyətinin sədri Orxan Məmmədov işçi qrupunun səmərəli fəaliyyətinin indiyədək əldə edilmiş nəticələrin inkişaf etdirilməsinə və nüfuzlu reytinq agentliklərinin hesabatlarında ölkəmizin mövqeyinin daha da yaxşılaşmasına öz müsbət töhfəsini verəcəyinə əminliyini vurğulayıb.

İclasda İşçi Qrupunun əvvəlki iclasında verilmiş tapşırıqların və qərara alınmış məsələlərin icra vəziyyəti, 2021-ci il üzrə fəaliyyət planında nəzərdə tutulan tədbirlər üzrə görülmüş işlər, o cümlədən Mülki Məcəlləyə dəyişikliklər, qiymətli kağızların emissiyası prosesi ilə bağlı vahid portalın yaradılması, səhmdar cəmiyyətlərinin ümumi yığıncaqlarının distant formada təşkili ilə bağlı təlimatın hazırlanması, Qlobal İnnovasiya İndeksinin müvafiq indikatorları üzrə məsələlər müzakirə edilib. Həmçinin, iclasda 2022-ci il üçün Fəaliyyət Planının yekun layihəsinə, İşçi Qrupunun növbəti iclasında müzakirə ediləcək məsələlərə dair fikir mübadiləsi aparılıb.