KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib

Məhdudiyyətlərin yumşaldılması fonunda kinoteatrların fəaliyyəti müzakirə edilib 30.12.21

“COVID-19” səbəbi ilə zərər çəkmiş sektorlardan biri də kinoteatrlardır. Nazirlər Kabinetinin 24 sentyabr 2021-ci il tarixli Qərarına əsasən, 1 oktyabr tarixindən etibarən ümumi tutumu 50%-dən çox olmamaq şərtilə mədəniyyət obyektlərinin (konsert zalları daxil olmaqla), eləcə də konfrans zallarının, kinoteatrların, teatrların, fəaliyyətinə icazə verilib.

Dekabrın 30-da Kiçik və Orta Biznesin İnkişafı Agentliyinin (KOBİA) və “CinemaPlus” kinoteatrlar şəbəkəsinin təşkilatçılığı ilə pandemiya ilə bağlı məhdudiyyətlərin yumşaldılması fonunda kinoteatrların fəaliyyəti müzakirə edilib. “CinemaPlus” kinoteatrlar şəbəkəsinin Müşahidə Şurasının sədri Zaur Darabzadənin və KOBİA-nın İdarə Heyətinin sədri Orxan Məmmədovun iştirak etdiyi tədbirdə məhdudiyyətlərin yumşaldılmasından sonra kinoteatrların fəaliyyəti müzakirə edilib.

KOBİA sədri qeyd edib ki, kinoteatrların fəaliyyəti ilə bağlı tətbiq edilmiş məhdudiyyətlərin yumşaldılması kinoteatr sektorunun fəaliyyətinin canlandırılması və inkişafı baxımından əhəmiyyətlidir. Bildirilib ki, pandemiya yeni davranış normaları və reallıqlar yaradıb. Onlayn xidmət platformalarının geniş yayılması insanların yeni filmlərə baxması vərdişlərinə əhəmiyyətli təsir göstərib. Lakin istənilən halda kinoteatrlar innovativ texnoloji inkişaflara dayanıqlıq göstərmək və rəqabət aparmaq iqtidarındadır. Kinoteatrların və kino sektorunun da daxil olduğu mədəniyyət və yaradıcı sənayenin inkişafı hökumətin prioritet fəaliyyət gündəliyinə daxildir. KOBİA sədri bugünkü müzakirələr çərçivəsində yaranan təkliflərin və fikirlərin, eləcə də qarşıdakı dövrdə birgə fəaliyyətin sektorun daha da canlanmasına öz töhfəsini verəcəyini vurğulayıb.