KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib

Məlumatlandırıcı vebinarda KOB-ların və startapların sualları cavablandırılıb 07.05.21

Mayın 7-də Kiçik və Orta Biznesin İnkişafı Agentliyinin (KOBİA) təşkilatçılığı ilə “Startap üçün yeni imkanlar” mövzusunda vebinar keçirilib.

Mikro, kiçik və orta sahibkarlıq subyektlərinin və startapların iştirakı ilə təşkil olunmuş onlayn tədbirdə KOBİA-nın İdarə Heyəti sədrinin müşaviri Zaur Qardaşov, "INNOLAND" İnkubasiya və Akselerasiya Mərkəzinin direktoru Məmməd Kərimov, Agentliyin əməkdaşı Hümbət Abdullayev startaplar üçün mövcud dəstək mexanizmləri, o cümlədən “Startap” şəhadətnaməsi, onun üstünlükləri, şəhadətnamə üçün müraciət qaydası və lazım olan sənədlər barədə məlumat verib. Qeyd olunub ki, KOBİA tərəfindən “Startap” şəhadətnaməsinin verilməsi üçün KOB subyektlərindən müraciətlərin qəbulu davam edir. “Startap” şəhadətnaməsini almaq istəyən KOB subyektləri Agentliyə birbaşa və ya elektron qaydada müraciət edə bilərlər. “Startap” şəhadətnaməsi KOB subyektlərini innovasiya fəaliyyətindən əldə etdikləri gəlirlər üzrə mənfəət və gəlir vergisindən 3 il müddətinə azad edir.

Tədbir çərçivəsində həmçinin, startaplar "INNOLAND" İnkubasiya və Akselerasiya Mərkəzi və KOBİA tərəfindən təqdim edilən digər dəstək mexanizmləri, o cümlədən bu yaxınlarda nəticələri elan edilmiş ilk təhsil, elm, tədqiqat və dəstək layihələri müsabiqəsi və növbəti müsabiqəyə dair məlumatlandırılıb.

Onlayn tədbir çərçivəsində KOB subyektlərini və startapları maraqlandıran suallar da cavablandırılıb.