KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib KOB-lar üçün yaşıl iqlim maliyyələşdirilməsinə dair iki günlük seminar keçirilib “Qarabağ KOB-ları 2024” proqramına başlanıb

Menecerlərin ixtisasının artırılması üzrə Almaniya-Azərbaycan birgə Proqramı onlayn formatda davam etdirilir 20.08.20

Azərbaycan tərəfindən Kiçik və Orta Biznesin İnkişafı Agentliyinin (KOBİA), Almaniya tərəfindən isə Almaniya Beynəlxalq Əməkdaşlıq Cəmiyyətinin (GİZ) əlaqələndiricisi olduğu “Azərbaycanın biznes ictimaiyyətində menecerlərin ixtisasının artırılması üzrə Almaniya-Azərbaycan Birgə Proqramı” koronavirus (COVID-19) pandemiyası ilə əlaqədar onlayn formatda davam etdirilir.

Avqustun 17-dən etibarən Proqram çərçivəsində onlayn təlimlərə start verilib. Təlimlərdə Azərbaycandan 12 sahibkar və menecer iştirak edir.

Qeyd edək ki, Azərbaycan Respublikasının İqtisadiyyat Nazirliyi ilə Almaniyanın Federal İqtisadiyyat və Enerji Nazirliyi arasında imzalanmış Anlaşma Memorandumuna uyğun olaraq 2009-cu ildən etibarən həyata keçirilən proqram Azərbaycan sahibkarlarının biznes sahəsində beynəlxalq təcrübəyə yiyələnməsi, bilik və bacarıqlarının artırılması məqsədi daşıyır. İndiyədək iqtisadiyyatın müxtəlif sahələrində fəaliyyət göstərən 442 sahibkar və menecer Almaniyanın tədris mərkəzlərində ödənişsiz ixtisasartırma kursu, müəssisələrdə təcrübə keçib, beynəlxalq təcrübəyə yiyələnib, işgüzar əlaqələrini genişləndirib. 2020-ci ilin 17 fevral – 13 mart tarixində 20 nəfərdən ibarət qrup Almaniyanın Münhen şəhərində təlim və müvafiq istehsal müəssisələrində təcrübə keçib. Növbəti qrupun 2020-ci ilin iyun ayında Almaniyada ixtisasartırma kursu keçməsi nəzərdə tutulurdu. Lakin pandemiya səbəbindən Almaniyada ixtisasartırma kursunun təşkili müvəqqəti olaraq dayandırılıb.