KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

İqtisadi Əməkdaşlıq və İnkişaf Təşkilatı KOB evi modelini qabaqcıl innovativ təcrübə kimi təqdim edib Azərbaycan və Qətər şirkətləri arasında saziş imzalanıb "Startap" şəhadətnaməsinin verilməsi barədə qərar necə qəbul olunur? “KOB FEST” sərgi-satış yarmarkası bu dəfə Gəncədə Azərbaycan və Vyetnam sahibkarları arasında görüş keçirilib Gəncə və Göygöl şəhərlərində dövlət dəstəyi ilə 15 qonaq evi yaradılıb Mingəçevir, Astara və Samuxda sahibkarlarla görüşlər keçirilib Reklam sektorunun inkişafına dair ictimai müzakirə təşkil olunub Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib

Menecment sahəsində virtual beynəlxalq ixtisasartırma kursu keçmək istəyən sahibkarlıq subyektlərinin nəzərinə! 23.06.21

Azərbaycan Respublikasının Kiçik və Orta Biznesin İnkişafı Agentliyi (KOBİA) “Azərbaycanın biznes ictimaiyyətində menecerlərin ixtisasının artırılması üzrə Almaniya-Azərbaycan Birgə Proqramı” çərçivəsində 2021-ci ilin avqust-oktyabr aylarında Almaniyanın Beynəlxalq Əməkdaşlıq Cəmiyyətinin (GİZ) təşkilatçılığı ilə keçiriləcək “İqtisadi kooperasiya” üzrə virtual ixtisasartırma kursunda iştirak etmək istəyən sahibkar və menecerlər üçün

MÜSABİQƏ ELAN EDİR

Proqramın məqsədi Azərbaycanın sahibkarlıq subyektlərinin virtual ixtisasartırma kursu keçməsinə, onların beynəlxalq təcrübəyə yiyələnməsinə, biznes sahəsində menecerlərin hazırlanması və ixtisasının artırılmasına, alman şirkətləri ilə birbaşa iqtisadi əlaqələrin qurulmasına dəstək göstərməkdir (Additional information for applicants and participants).

Kurs haqqında

Mövzu: “İqtisadi kooperasiya”

Proqramın dili: İngilis dili

Onlayn mərhələ: onlayn təlimlər, alman şirkətlərinə onlayn turlar və onlayn görüşlər (12 həftə)

Proqramdan sonrakı mərhələ («Follow up») : 6 ay

Almaniyada proqramın yekun mərhələsi: 1 həftə (pandemiya şəraitinə uyğun olaraq ixtisasartırma kursunu uğurla başa vuracaq iştirakçıların Almaniyaya səfərləri nəzərdə tutulur).

Məzunlar arasında əlaqələrin inkişaf etdirilməsi və məzunlarla iş

Kurs haqqında əlavə məlumat: https://managerprogramm.de/en/business-with-germany/programme-phases/

Tədris kursu ödənişsizdir. Kursu uğurla başa vuran iştirakçılara GİZ təşkilatı tərəfindən beynəlxalq sertifikat təqdim edilir.

Namizədə dair tələblər:

- Ali təhsil (bakalavr və/və ya magistr dərəcəsi);

- İdarəetmə sahəsində ən azı 1 il təcrübə;

- Yaşı 45-dən çox olmamalı;

- Yaxşı səviyyədə ingilis dili;

- Yüksək ünsiyyət və təqdimetmə bacarıqları.

Proqramda iştirak etmək istəyən namizədlərdən aşağıda qeyd olunan sənədləri ingilis dilində və elektron qaydada İqtisadiyyat Nazirliyinin tabeliyində Kiçik və Orta Biznesin İnkişafı Agentliyinin training@smb.gov.az e-mail ünvanına (mövzu yerinə "Almaniyada ixtisasartırma kursu" yazmaqla) göndərmələri xahiş olunur:

- müraciət forması (Application Form);

- fərdi məlumatların qorunmasına dair ərizə (Data protection declaration / Privacy statement);

- Kooperasiya layihəsi (Cooperation project) – 1-dən 5-dək olan bəndlər tam cavablandırılmalıdır;

- Proqramda iştiraka razılığa dair əməkdaşın vəzifəsi qeyd edilməklə iş yerindən rəhbər şəxs tərəfindən təsdiq edilmiş arayış.

Təqdim olunmuş sənədlər ilkin qiymətləndirildikdən sonra uyğun namizədlər GİZ təşkilatının məsul əməkdaşlarının iştirakı ilə fərdi onlayn müsahibələrə dəvət ediləcəkdir.

Ətraflı məlumat üçün: (012) 404 04 01 / (055) 200 04 57, training@smb.gov.az (Məlahət Kazımova).