Məlum olduğu kimi, Azərbaycan Respublikasının Prezidenti tərəfindən 2 dekabr 2022-ci il tarixində “Mikro, kiçik və orta sahibkarlığın inkişafı haqqında” Qanun təsdiq edilmişdir. 

5 fəsildən və 15 maddədən ibarət Qanun mikro, kiçik və orta sahibkarlığın inkişafı sahəsində münasibətləri tənzimləyir, mikro, kiçik və orta sahibkarlıq subyektlərinə göstərilən dövlət dəstəyinin təşviqinin forma və metodlarını müəyyən edir. 

Qanunda mikro, kiçik və orta sahibkarlığın inkişafı sahəsində dövlət siyasətinin məqsədləri, prinsipləri, əsas istiqamətləri, dəstək göstərilməsinin şərtləri, formaları, qaydası və qiymətləndirilməsi, eləcə də digər məsələlər öz əksini tapmışdır. 

Qanun ilə bir sıra yeniliklər nəzərdə tutulmuşdur. Belə ki, dövlət qurumlarının iştirak etdiyi vahid koordinasiya qrupunun Qanunda əks edilməsi nəticəsində, gələcəkdə KOB subyektlərinin inkişafına, onların problemlərinin dövlət orqanları tərəfindən operativ həllinə nail olunacaqdır. Həmçinin, qanunda KOB subyektlərinin vahid reyestrinin yaradılması da öz əksini tapıb ki, bu, müvafiq sahədə mərkəzləşdirilmiş məlumatlılığın təminatında yenilikdir.

Qanunda mikro, kiçik və orta sahibkarlığın inkişafı üçün dövlətin dəstək göstərilməsi sahəsində proqramı, prosedur qaydaları və istisna hallar da qeyd olunur ki, dövlət bu sahədə də pərakəndəliyi aradan qaldırmaqla ümummilli inkişafa nail olunması məqsədini əsas tutur. Qanunda dəstəyin formaları, göstərilmə qaydası, şərtləri, qiymətləndirilməsinin aparılması, növləri qeyd olunur ki, mikro, kiçik və orta sahibkarlıq subyektləri bu qanunla onlara verilən üstünlüklərdən faydalanmış olacaqlar.

https://e-qanun.az/framework/53308

Powered by Froala Editor