Please ensure Javascript is enabled for purposes of website accessibility
Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
AQEM yanında İşgüzar Şuranın 7-ci iclası keçirilib “Sudan dayanıqlı istifadədə KOB-ların rolu” mövzusunda müzakirə təşkil olunub KOBİA və Misirin Ağıllı Yaşıl Layihələr üzrə Milli Təşəbbüs heyəti arasında görüş keçirilib Yaşıl iqtisadiyyata keçiddə KOB-ların rolu COP29 çərçivəsində “KOB-ların yaşıl iqtisadiyyatda rolu” mövzusunda panel müzakirə təşkil olunub KOBİA və “Invest Bulgaria” Agentliyi əməkdaşlıq edəcək COP29 çərçivəsində KOB-ların yaşıl keçidinə dəstək məqsədilə əməkdaşlığa dair sənədlər imzalanıb Beynəlxalq Ticarət Mərkəzinin nümayəndələri "Bakı KOB evi"ndə olublar ESG üzrə vahid platformanın və milli standartın təqdimatı ilə bağlı konfrans keçirilib Ətraf mühit, sosial və korporativ idarəetmə üzrə milli standart qəbul olunub
Oman və Qətərin işgüzar dairələri ilə əməkdaşlıq imkanları müzakirə edilib 22.10.24
Oman və Qətərin işgüzar dairələri ilə əməkdaşlıq imkanları müzakirə edilib

Səfərlər zamanı Oman və Qətərin müvafiq qurumları ilə görüşlər keçirilib, KOBİA nümayəndələri müxtəlif tədbirlərdə iştirak ediblər.

KOB sahəsində əməkdaşlıq imkanlarını müzakirə etmək və 5-ci Duqum Forumunda iştirak məqsədilə Azərbaycan Respublikasının Oman Sultanlığındakı Səfirliyinin dəstəyi ilə Kiçik və Orta Biznesin İnkişafı Agentliyinin (KOBİA) nümayəndələri Omanda səfərdə olublar. 

KOBİA nümayəndələri Maskat şəhərində KOB İnkişaf Fondunun sədri Salim Əl Zəvəvi və KOB İnkişaf İdarəsinin vitse-prezidenti Qais Əl Toubi ilə görüşüb. Görüşlərdə sahibkarlığın inkişafı sahəsində Azərbaycan və Oman arasında əməkdaşlıq, o cümlədən KOB-ların imkanlarını artırmaq üçün birgə təlim proqramlarının təşkili, hər iki regiondan biznesləri birləşdirəcək şəbəkələşmə tədbirlərinin keçirilməsi, ticarət missiyalarının təşkili müzakirə edilib, KOB-lara dəstək sahəsində qarşılıqlı təcrübə mübadiləsi aparılıb. 

Səfər çərçivəsində KOBİA nümayəndələri 5-ci Duqum Forumuna qatılıblar. Forumun “Qlobal texnologiya və təcrübələrin investisiyaları mavi iqtisadiyyata təşviq etməsi” mövzusunda panel müzakirədə KOBİA-nın İdarə Heyətinin sədri Orxan Məmmədov KOB-lar üçün mavi iqtisadiyyatdakı imkanlar, KOBİA-nın fəaliyyəti barədə məlumat verib.

Qətərə səfər zamanı isə Doha şəhərində KOBİA və Qətər Ticarət və Sənaye Palatasının təşkilatçılığı, “Marsol Group” və İş adamları Cəmiyyətinin Milli Assosiasiyasının (İCMA) dəstəyi, Azərbaycan və Qətərdən olan 60-dan çox iş adamının iştirakı ilə Dəyirmi Masa təşkil olunub. 

Səfər çərçivəsində həmçinin KOBİA nümayəndələri Qatar İnkişaf Bankının tabeliyində Qətər İxracın İnkişafı, Maliyyə və Təşviq Agentliyinin (Tasdeer) icraçı direktoru Xalid Abdulla Əl Mana və Qətər İş Adamları Assosiasiyasının Baş direktoru Sara Abdallah ilə görüşüb. Görüşlərdə Azərbaycan və Qətər sahibkarları arasında mövcud əməkdaşlıq, biznes əlaqələrinin genişləndirilməsi imkanları, hər iki ölkənin KOB-ları arasında əlaqələrin daha da genişləndirilməsi məqsədilə KOBİA və müvafiq qurumlar arasında münasibətlərin inkişafı məsələlərinə dair fikir mübadiləsi aparılıb. 

Həmçinin, səfər zamanı KOBİA və Azərbaycan sahibkarları arasında görüş keçirilib. Görüşdə Körfəz ölkələri ilə işgüzar əməkdaşlığın genişləndirilməsi və ticarət əlaqələri ilə bağlı müzakirələr aparılıb. 

Powered by Froala Editor