Naxçıvan şəhərində keçirilmiş 2-ci Azərbaycan–Türkiyə Regional İqtisadi Forumu çərçivəsində ölkəmizdə səfərdə olan Qars Ticarət və Sənaye Palatasının biznes nümayəndə heyəti “Bakı KOB evi”ndə olub.

Kiçik və Orta Biznesin İnkişafı Agentliyinin (KOBİA) təşkilatçılığı ilə türk iş adamları üçün Azərbaycanda investisiya mühiti, sahibkarlara göstərilən dəstək və xidmətlər, KOBİA-nın fəaliyyəti barədə təqdimatlar keçirilib. KOBİA və İxracın və İnvestisiyaların Təşviqi Agentliyi – AZPROMO-nun təqdimatlarında ölkəmizdə yerli və xarici investorlar üçün investisiya və biznes imkanları, investisiya qoyuluşu üçün prioritet sektorlar, təşviq alətləri və güzəştlər, sahibkarlığa dəstək mexanizmləri barədə ətraflı məlumat verilib.

Türk iş adamları “Bakı KOB evi”nin fəaliyyəti ilə də tanış olublar. 

Azərbaycan–Türkiyə Regional İqtisadi Forumunda iştirak etmək üçün ölkəmizdə səfərdə olan Türkiyənin rəsmi şəxslərindən və iş adamlarından ibarət nümayəndə heyəti işğaldan azad olunmuş Şuşa və Xankəndi şəhərlərində də olub, bölgənin biznes və investisiya imkanları ilə tanış olublar. 

Powered by Froala Editor