Kiçik və Orta Biznesin İnkişafı Agentliyi (KOBİA) tərəfindən 2024-cü il üzrə ilk “Startap” şəhadətnamələri 7 KOB subyektinə təqdim edilib. Şəhadətnamə alanlardan biri də fərdi sahibkar Şəmistan Əlizadədir. Ona şəhadətnamə şagirdlər üçün oyun əsaslı onlayn təhsil platforması layihəsi üçün təqdim edilib.
Şəmistan Əlizadə "Oyun Əsaslı Təhsil Platforması" ilə bağlı Marja.az-a məlumat təqdim edib.
O qeyd edib ki, dahi.az şagirdlər üçün ödənişsiz təhsilə dəstək oyun tətbiqidir:
"Şagirdlərdən telefonları ala bilmədiyimiz üçün, telefonu onlar üçün faydalı etməyə çalışırıq.
Şagirdlər dahi.az mobil tətbiqində öz sinif və fənnlərinə uyğun testlər cavablayaraq pul mükafatları qazana bilirlər. Hər bir mərhələni şagird bitirdikdən sonra "coin"lər qazanır və topladığı "coin"ləri pula çevirə bilir. Bundan əlavə mobil tətbiqimizdə şagirdlər üçün dahi sıralaması mövcuddur: ümumi, aylıq və günlük sıralama. Şagirdlər topladıqları bala görə burada sıralanır. Bu sıralamaya görə də şagirdlərə əlavə mükafatlar verilir".
dahi.az mobil tətbiqinin funksiyalarına toxunan Şəmistan Əlizadə qeyd edib ki, tətbiqdə Kateqoriya üzrə oyun modulu, Qrup Yarışı modulu, Təkbətək Yarış modulu, Günlük Sınaq modulu, Əylən və öyrən modulu, Özünü Sınama modulu, Dil Öyrənmə modulu, Səsli Sual modulu və Bilik Yarışı modulu mövcuddur.
Tətbiq şagirdlər üçün tam ödənişsizdir. Dahi.az şagirdlərə pul mükafatı verən yeganə təhsil və oyun platformasıdır.
Şəmistan Əlizadə vuğrulayıb ki, KOBİA-dan alınan şəhadətnamə startaplarına bir çox imkanlar yaradır:
"Biz 29 fevral 2024 cü ildə KOBİA-nın keçirəcəyi sərgidə biz də öz startapımızı sərgiləyəcəyik. Bundan əlavə, Bakı Mühəndislik Universiteti Texnoparkı ilə əməkdaşlığımız rəsmiləşmək üzrədir. Fevral ayının 15-ə qədər qarşılıqlı müqavilə imzalayacağıq. Bir neçə təhsil mərkəzi (Zəfər kursu Xırdalan, Pifaqor Akademiyası, Üfüq Daimi İnkişaf Mərkəzi, Dəyanət Tədris Mərkəzi və s.) bizimlə qarşılıqlı əməkdaşlıq etmək üçün müraciət etmişlər.
Qeyd edək ki, Şəmistan Əlizadə dahi.az Onlayn Təhsil Platformasının təsisçisidir. Həmçinin Ramil Mirzəyev dahi.az-ın həmtəhsisçisidir.
https://marja.az/113722/sagirdler-testleri-cavablandirib-pul-mukafatlari-qazana-bilirler-yeni-tetbiq
Powered by Froala Editor
