Sentyabrın 7-də ABŞ-Azərbaycan Ticarət Palatasının təşəbbüsü, İqtisadiyyat Nazirliyinin tabeliyində Kiçik və Orta Biznesin İnkişafı Agentliyinin (KOBİA) və Azərbaycanda İxracın və İnvestisiyaların Təşviqi Fondunun (AZPROMO) təşkilati dəstəyi ilə ixrac fəaliyyəti ilə məşğul olan sahibkarlar üçün ABŞ-ın ümumiləşdirilmiş imtiyazlar sisteminə (GSP) dair təqdimat keçirilib.
Tədbirdə ABŞ tərəfindən tətbiq olunan GSP sistemi, proqramın biznes üçün potensial faydası, ölkəmizdən gömrük rüsumu ödəmədən GSP proqramı çərçivəsində ABŞ-a ixrac oluna biləcək məhsullar barədə sahibkarlar ətraflı məlumatlandırılıb. ABŞ-ın ticarət nümayəndəsinin köməkçisi Laura Buffo GSP proqramı çərçivəsində indiyədək Azərbaycandan ABŞ-a ixrac olunmuş və ixrac oluna biləcək məhsullar, proqramın üstünlükləri barədə məlumat verib, sahibkarları maraqlandıran sualları cavablandırıb.
Powered by Froala Editor
