KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Kənd təsərrüfatı və qida sektorunda fəaliyyət göstərən KOB subyektlərinin nəzərinə! KOBİA nümayəndə heyəti İzmirdə səfərdə olub Tatarıstan nümayəndə heyəti “Bakı KOB evi”ndə olub Qəbələdə özünüməşğulluq proqramına qoşulmuş vətəndaşlarla görüş keçirilib 800-dən çox biznes subyekti və potensial sahibkar biznes təlimlərdən yararlanıb İstehsal ilə məşğul olan sahibkarlar KOB Model Müəssisənin təlimlərinə dəvət olunur “Unibroad” təhsil platforması dünyanın ən yaxşı startapları sırasında Azərbaycanlı startapçı “Sculptor” cihazı hazırlayıb “AIM Congress”də ölkəmizi təmsil edəcək startap məlum oldu Samux sahibkarları ilə görüş keçirilib, KOB dostu ofisi fəaliyyətə başlayıb

Startaplar və yeni biznesə başlayanlar üçün təlim keçirilib 02.10.19

Startap layihələrinin yaradıcıları, biznes fəaliyyətinə başlamaq istəyənlər və sahibkarlar üçün “İnnovativ layihələrin ilkin hazırlıq və yaradılması prosesində məsləhət” mövzusunda təlim keçirilib.

Azərbaycan Respublikasının Kiçik və Orta Biznesin İnkişafı Agentliyinin (KOBİA) təşkilatçılığı ilə keçirilmiş təlimin məqsədi sahibkar düşüncə tərzinin təşviqi, yeni ideyaları olan gəncləri, startapları, eləcə də yeni məhsullar və xidmətlər yaratmaq istəyən sahibkarları bu istiqamətdə məlumatlandırmaq, informasiya və məsləhət xidməti göstərməkdir.

Təlimdə innovativ sahibkarlıq ekosisteminin inkişafı üzrə beynəlxalq ekspert, "Innova Ventures Group"un rəhbəri Vüsal Süleymanlı iştirakçıları startapların, innovativ layihələrin müasir metodologiya (design thinking) və yeni texnologiyalar əsasında formalaşdırılması, idarə edilməsi, kommersiyalaşması, yerli və beynəlxalq bazarlarda inkişafı, eləcə də biznes inkubatorlar tərəfindən startaplara mentorluq, konsaltinq və informasiya xidmətlərinin göstərilməsi metodları barədə məlumatlandırıb, onları maraqlandıran sualları cavablandırıb.

Tədbirdə həmçinin, Aran Regional İnkişaf Mərkəzində yaradılmış biznes inkubatorun məzunu, KOBİA-nın əlaqələndiricisi olduğu “Azərbaycanın biznes ictimaiyyətində menecerlərin ixtisasının artırılması üzrə Almaniya-Azərbaycan birgə Proqramı” çərçivəsində Almaniyada 1 ay müddətində təlim və təcrübə keçmiş, hazırda sahibkarlıq fəaliyyəti ilə məşğul olan Əziz Əzimov öz təcrübəsini bölüşüb.