KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib KOB-lar üçün yaşıl iqlim maliyyələşdirilməsinə dair iki günlük seminar keçirilib “Qarabağ KOB-ları 2024” proqramına başlanıb Şəkidə keçiriləcək “KOB FEST” sərgi-satış yarmarkasında məhsul və xidmətlərini təqdim etmək istəyən KOB-ların nəzərinə! Ekoloji, sosial və idarəetmə prinsiplərinə ümumi baxış və trendlər Milli Yaylaq Festivalı çərçivəsində “KOB FEST” sərgi-satış yarmarkası keçirilir

Sumqayıtda fəaliyyət göstərən kiçik və orta biznes nümayəndələri ilə görüş keçirilib 24.12.19

Sahibkarların problemlərinin öyrənilməsi və həllinə dəstək göstərilməsi məqsədilə Azərbaycan Respublikasının Kiçik və Orta Biznesin İnkişafı Agentliyi (KOBİA) tərəfindən sahibkarlarla görüşlər davam etdirilir.

Dövlət-sahibkar dialoqu çərçivəsində sahibkarlarla növbəti belə görüşlər Sumqayıtda və şəhərin Hacı Zeynalabdin Tağıyev qəsəbəsində keçirilib.

KOBİA-nın təşkilatçılığı, Sumqayıt Şəhər İcra Hakimiyyətinin dəstəyi ilə təşkil olunmuş görüşlərdə İqtisadiyyat Nazirliyinin, Qida Təhlükəsizliyi Agentliyinin, Azərbaycan Sahibkarlar (İşəgötürənlər) Təşkilatları Milli Konfederasiyasının, İpoteka və Kredit Zəmanət Fondunun nümayəndələri iştirak ediblər.

Görüşlərdə istehsal və xidmət sahələrində fəaliyyət göstərən kiçik və orta sahibkarların kommunal xidmətlər, maliyyə resurslarına çıxış imkanları, istehsal sahələrinin tikintisi, özünüməşğulluq proqramında iştirak, torpaq sahələrinin sənədləşdirilməsi ilə bağlı müraciətləri dinlənilib, sualları cavablandırılıb. Sahibkarlar tərəfindən qaldırlan bir sıra məsələlərin müvafiq qurumların iştirakı ilə araşdırılacağı və nəticələri barədə sahibkarların məlumatlandırılacağı bildirilib.

Görüşlərdə həmçinin, KOBİA-nın fəaliyyəti barədə məlumat verilib, sahibkarlıq fəaliyyəti ilə bağlı qarşıya çıxan məsələlərlə Agentliyin Sumqayıt şəhəri üzrə “KOB Dostu”na müraciət edilməsi tövsiyyə olunub.

Hacı Zeynalabdin Tağıyev qəsəbəsində keçirilən görüşdə 30-dan çox sahibkar arasında sorğu da keçirilib.