Please ensure Javascript is enabled for purposes of website accessibility
Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Startapçı Azərbaycanda ilk dəfə “ağıllı mətbəx” yaradıb 5-ci qrant müsabiqəsinə sənəd qəbulu davam edir 184 kommersiya mübahisəsi “Bakı KOB evi”ndə fəaliyyət göstərən mediasiya məkanında müsbət həll olunub “KOB-ların inkişafı - sahibkarlıq təlimləri” keçirilib “Korporativ idarəetmə, investisiyalar və korporativ sosial məsuliyyət” üzrə İşçi Qrupunun iclası keçiriləcək Klasterləşmə ilə bağlı onlayn görüş keçirilib "AIM Congress" çərçivəsində baş tutan milli tura qeydiyyat başladı! İtaliya şirkəti ilə görüş keçirilib “Gənc startap” sahibkarlıq təlimləri başa çatdı Ucarda sahibkarlarla görüş keçirilib, KOB dostu ofisi fəaliyyətə başlayıb
UNEC İqtisadi Forumu çərçivəsində “Post-pandemiya dövründə yeni biznes modellərinin təşviqi: yeni çağırışlara uyğunlaşma” mövzusunda panel müzakirələr təşkil olunub 03.12.21
UNEC İqtisadi Forumu çərçivəsində “Post-pandemiya dövründə yeni biznes modellərinin təşviqi: yeni çağırışlara uyğunlaşma” mövzusunda panel müzakirələr təşkil olunub

Dekabrın 1-dən Azərbaycan Dövlət İqtisad Universitetinin (UNEC) təşkilatçılığı ilə keçirilən UNEC İqtisadi Forumu 2021 davam edir.

 

Forumun üçüncü günündə təşkil olunmuş “Post-pandemiya dövründə yeni biznes modellərinin təşviqi: yeni çağırışlara uyğunlaşma” mövzusunda paneldə Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov da çıxış edib. Qeyd edilib ki, qlobal COVİD-19 pandemiyası bir sıra neqativ iqtisadi və sosial təsirlərə malik olmaqla, öz növbəsində yeni reallıqlar yaradıb. İqtisadiyyatların dayanıqlığının gücləndirilməsi, gözlənilməz şoklara qarşı hazırlıq səviyyəsinin artırılması, müasir və innovativ texnologiyalara əsaslanan biznes mühitinin inkişaf etdirilməsi prioritet məsələlərə çevrilib. Bu baxımdan, mütəxəssislərin rəyinə əsasən avtomatlaşma, rəqəmsallaşma, süni intellekt və yaşıl inkişaf qarşıdakı onilliklərdə qlobal iqtisadi landşaftı müəyyənləşdirəcək meyllərdəndir. Biznes modellərinin transformasiyası post-COVİD dövründə bizneslər və ümumilikdə cəmiyyət üçün yeni dəyərlərin yaradılması baxımından əhəmiyyətli olacaqdır. Dövlət-özəl sektor tərəfdaşlığı və klasterləşmə yeni çağırışlara uyğun iqtisadi transformasiya gündəliyinin reallaşdırılması üzrə özəl sektoru cəlb etmək və resursları səfərbər etmək üçün əlverişli modellərdir. Bu biznes modellərin işğaldan azad edilmiş Qarabağın bərpası və ölkənin iqtisadi dəyər zəncirinə reinteqrasiyası proseslərində də tətbiq imkanları genişdir.

 

KOBİA sədri post-pandemiya dövründə yeni biznes modellərinin inkişafı məqsədilə Agentliyin öz fəaliyyətini bir neçə istiqamətdə qurmaqla müvafiq dəstək tədbirləri həyata keçirdiyini vurğulayıb, qurumun dəstək və xidmətləri barədə məlumat verib. 

Powered by Froala Editor