11-15 oktyabr tarixlərində Kiçik və Orta Biznesin İnkişafı Agentliyinin (KOBİA) Şəmkir-Gədəbəy KOB İnkişaf Mərkəzi (KOBİA) tərəfindən mikro, kiçik və orta sahibkarlar üçün “Vergi orqanları ilə vergi ödəyiciləri arasında elektron sənəd mübadiləsi qaydaları" mövzusunda fərdi məsləhət xidməti həftəsi keçiriləcək.
Tədbir çərçivəsində sahibkarlar rüblük və illik vergi, DSMF hesabatlarının hazırlanması, vergi bəyənnamələrinin doldurulması, www.e-taxes.gov.az portalından istifadə qaydaları, şirkətin qeydiyyatdan keçirilməsi, fərdi sahibkar üçün VÖEN-in açılması, E-qaimələr barədə məlumatlandırılacaq, mərkəzin peşəkar ekpertləri tərəfindən onları maraqlandıran suallar cavablandırılacaq. Məsləhət xidməti ödənişsiz olaraq göstəriləcəkdir.
Vergilərlə bağlı ödənişsiz məsləhət xidmətlərindən yararlanmaq istəyən sahibkarlar KOB inkişaf mərkəzlərinə (KOBİM) müraciət edə bilərlər.
Powered by Froala Editor
