Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
KOBİA nümayəndələri Türkiyədə keçirilən beynəlxalq seminarda iştirak ediblər Vergi güzəşti ilə böyüyən “InnMedia”: Çin nəhəngi ilə yeni tərəfdaşlıq müqaviləsi, ABŞ-yə dair planlar... KOBİA yanında daimi fəaliyyət göstərən Koordinasiya Qrupunun növbəti iclası keçirilib Vergi yükü azalır, hədəflər böyüyür: yerli startaplardan qlobal bazara iddialı addımlar - II HİSSƏ “Qarabağ KOB-ları 2026” layihəsi çərçivəsində növbəti peşə təlimləri başa çatıb Azərbaycanın innovativ startapları: süni intellekt, rəqəmsal transformasiya, ciddi hədəflər Sahibkarlar üçün məsləhət xidmətləri davam edir Hər bir biznes fəaliyyəti üçün lisenziya almaq lazımdırmı? Sentyabr ayında sahibkarlar üçün ödənişsiz biznes təlimlər keçiriləcək Strateji investisiya layihələri üzrə investisiya təşviqi sənədinin verilməsi davam edir
“Xaçmaz KOB evi”nin Xudat Xidmət Mərkəzində Kənd Təsərrüfatı Nazirliyinin xidməti masası fəaliyyətə başlayıb 22.05.26
“Xaçmaz KOB evi”nin Xudat Xidmət Mərkəzində Kənd Təsərrüfatı Nazirliyinin xidməti masası fəaliyyətə başlayıb

Xudat şəhəri və ətraf ərazilərdə kənd təsərrüfatı və aqrobiznes fəaliyyəti ilə məşğul olan sahibkarların işi daha da asanlaşacaq.

Sahibkarların dövlət xidmətlərinə çıxış imkanlarının genişləndirilməsi, regionlarda xidmətlərin əlçatanlığının artırılması və aqrar sahədə fəaliyyət göstərən fermerlərin müraciət prosesinin daha da asanlaşdırılması istiqamətində tədbirlər davam etdirilir. Bu məqsədlə KOB evlərində sahibkarlara göstərilən xidmətlərin əhatə dairəsi də genişləndirilir. 

“Xaçmaz KOB evi”nin Xudat Xidmət Mərkəzində (“Foodcity Aqroparkı”nda) Kənd Təsərrüfatı Nazirliyinin xidməti masası fəaliyyətə başlayıb. Məqsəd aqrar sahədə fəaliyyət göstərən sahibkarlara operativ, şəffaf və əlçatan xidmət göstərmək, subsidiya mexanizmləri üzrə müraciət prosesini sürətləndirmək və fermerlərin bu sahədə məlumatlandırılmasını genişləndirməkdir. Xidmət masası tərəfindən kənd təsərrüfatı subsidiyalarına dair müraciətlərin qəbulu, aidiyyəti istiqamətlər üzrə ilkin məlumatlandırma və digər dəstək xidmətləri göstəriləcək.

Bu Xudat şəhəri və ətraf ərazilərdə yaşayan kənd təsərrüfatı və aqrobiznes fəaliyyəti ilə məşğul olan sahibkarların işini asanlaşdıracaq. Belə ki, vətəndaşlar və fermerlər subsidiya xidmətləri ilə bağlı müraciətlərini rayon mərkəzlərinə getmədən birbaşa Xudat şəhərində həyata keçirə biləcəklər. Bu isə regionlarda fəaliyyət göstərən fermer və sahibkarların vaxt itkisini minimuma endirməklə yanaşı, dövlət xidmətlərindən istifadənin daha rahat və çevik şəkildə təşkilinə imkan verəcək.

Qeyd edək ki, 2026-cı ilin yanvar-aprel aylarında “Xaçmaz KOB evi”nin Xudat Xidmət Mərkəzi tərəfindən sahibkarlara 18 minə yaxın xidmət göstərilib.

Hazırda KOB evləri Bakı, Gəncə, Xaçmaz, Yevlax və Şuşa şəhərlərində fəaliyyət göstərir. Ümumilikdə KOB evlərində sahibkarlara 35 dövlət qurumu tərəfindən 300-dən çox “G2B” və 13 özəl təşkilat tərəfindən 160 “B2B” xidmət təqdim olunur.   

 

Powered by Froala Editor