Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Bakıda keçiriləcək Beynəlxalq Biznes Forumla bağlı mətbuat konfransı keçirilib "Rebuild Karabakh" - 1-ci Azərbaycan Beynəlxalq “Qarabağın Bərpa, Yenidənqurma və İnkişafı” Sərgisi İşğaldan azad edilmiş ərazilərin bərpası və yenidənqurulması prosesində iş adamlarının iştirakına dair müzakirələr aparılıb KOB evləri üçün onlayn növbə əldə edin! Orxan Məmmədov: KOB-ların satış bazarlarına çıxış imkanlarının genişləndirilməsi üçün KOBİA yeni mexanizm üzərində işləyir KOB inkişaf mərkəzləri sahibkarların əlaqələndirilməsinə və təcrübə mübadiləsinə dəstəyini davam etdirir “Startap” şəhadətnaməsini kimlər və necə əldə edə bilər? KOBİA “Onlayn B2G Forum”da təmsil olunub Daxili bazar araşdırması mexanizmi yerli istehsalı stimullaşdırır İtaliyanın Azərbaycandakı səfiri KOBİA-da olub
Zaqatalada yem emalı müəssisəsi, Balakəndə inkubator məntəqəsi fəaliyyətə başladı 17.07.19
Zaqatalada yem emalı müəssisəsi, Balakəndə inkubator məntəqəsi fəaliyyətə başladı

İyulun 17-də Azərbaycan Respublikasının Kiçik və Orta Biznesin İnkişafı Agentliyinin (KOBİA) təşkilatçılığı ilə Zaqatala rayonunun Əliabad kəndində yem emalı müəssisəsi kənd sakinlərinin və aqrar sahədə fəaliyyət göstərən mikro və kiçik sahibkarların istifadəsinə verilib.

Azərbaycan Hökuməti və ABŞ-ın Beynəlxalq İnkişaf Agentliyi (USAİD) tərəfindən həyata keçirilən “Sosial-iqtisadi inkişaf fəaliyyəti” (SEDA) layihəsi çərçivəsində fəaliyyətə başlayan yem emalı müəssisəsindən Əliabad kəndi ilə yanaşı, ətraf kənd və qəsəbələrin sakinləri də istifadə edə bilər.

Bununla əlaqədar keçirilmiş tədbirdə çıxış edən KOBİA-nın Qəbələ-Oğuz “KOB Dostu” Qalib Nəbiyev, Zaqatala Rayon İcra Hakimiyyəti başçısının müavini İlkin Şəfizadə, USAİD-in proqram rəhbəri Eylin Louless və kənd sakinləri belə müəssisələrin bölgələrdə kənd təsərrüfatı və heyvandarlığın inkişafında, bu sahədə fəaliyyət göstərən mikro və kiçik sahibkarların yemə olan tələbatının ödənilməsində, eləcə də məşğulluğun təmin olunmasında əhəmiyyətli olduğunu diqqətə çatdırıblar.

Tədbir zamanı həmçinin, sahibkarlıq fəaliyyəti ilə məşğul olan kənd sakinləri KOBİA-nın fəaliyyəti və “KOB Dostu” mexanizmi barədə məlumatlandırılıb.

Yem emalı müəssisəsində istehsal sahəsi və anbar inşa olunub, hər birinin gücü saatda 2 ton olan taxıl təmizləyən, yem üyüdən və ot doğrayan avadanlıqlar quraşdırılıb.

Məlumat üçün qeyd edək ki, SEDA layihəsi çərçivəsində bu ilin may ayında Zaqatala rayonunun Qazangül kəndində də yem emalı müəssisəsi istifadəyə verilib.

Həmin gün həmçinin, Balakən rayonunun Gərəkli kəndində SEDA layihəsi çərçivəsində İnkubator Müəssisəsi də fəaliyyətə başlayıb.

Powered by Froala Editor