KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Tatarıstan nümayəndə heyəti “Bakı KOB evi”ndə olub Qəbələdə özünüməşğulluq proqramına qoşulmuş vətəndaşlarla görüş keçirilib 800-dən çox biznes subyekti və potensial sahibkar biznes təlimlərdən yararlanıb İstehsal ilə məşğul olan sahibkarlar KOB Model Müəssisənin təlimlərinə dəvət olunur “Unibroad” təhsil platforması dünyanın ən yaxşı startapları sırasında Azərbaycanlı startapçı “Sculptor” cihazı hazırlayıb “AIM Congress”də ölkəmizi təmsil edəcək startap məlum oldu Samux sahibkarları ilə görüş keçirilib, KOB dostu ofisi fəaliyyətə başlayıb Cari ilin I rübündə KOB evlərində sahibkarlara 99 mindən çox xidmət göstərilib Xarici ticarət iştirakçıları arasında sorğu keçirilir

Almaniyada keçiriləcək ixtisasartırma kursu üçün sənəd qəbulu başa çatıb 01.10.19

2020-ci ildə Almaniyada keçiriləcək “İqtisadi kooperasiya” üzrə ixtisasartırma və təcrübə kursunda iştirak etmək üçün 50-dən çox gənc sahibkar və menecer Azərbaycan Respublikasının Kiçik və Orta Biznesin İnkişafı Agentliyinə (KOBİA) müraciət edib.

Müraciətlərin dəyərləndirilməsi və uyğun namizədlərin seçilməsi üçün Almaniya Beynəlxalq Əməkdaşlıq Cəmiyyətinin (GİZ) mütəxəssisləri tərəfindən oktyabr ayında KOBİA-da müsahibə təşkil olunacaqdır.

2009-cu ildən etibarən “Azərbaycanın biznes ictimaiyyətində menecerlərin ixtisasının artırılması üzrə Almaniya-Azərbaycan birgə Proqramı” çərçivəsində indiyədək 419 sahibkar və menecer Almaniyanın müxtəlif şəhərlərində yerləşən tədris mərkəzlərində treninq və istehsal müəssisələrində təcrübə keçiblər. Proqramda iştirak müsabiqə əsasında həyata keçirilir. Bir ay davam edən kurs müddətində yeni bilik və bacarıqlara, beynəlxalq təcrübəyə yiyələnən, Almaniyanın qabaqcıl şirkətləri ilə əlaqələr quran sahibkar və menecerlər ölkəmizdə yeni məhsul və xidmətlər yaradıb, mövcud sahibkarlıq fəaliyyətlərini genişləndiriblər.

Məlumat üçün bildirək ki, “Azərbaycanın biznes ictimaiyyətində menecerlərin ixtisasının artırılması üzrə Almaniya-Azərbaycan birgə Proqramı”nın Azərbaycan üzrə əlaqələndiricisi KOBİA, Almaniya tərəfindən isə GİZ-dir.