KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib

“Çiçəklənən Abşeron” layihəsi Pirşağıda 03.05.21

Kiçik və Orta Biznesin İnkişafı Agentliyi (KOBİA) və “Bakı Abadlıq Xidməti” MMC tərəfindən birgə həyata keçirilən “Çiçəklənən Abşeron” layihəsindən bu dəfə Pirşağı sakinləri yararlanıb.

KOBİA-nın İdarə Heyətinin sədri Orxan Məmmədov və “Bakı Abadlıq Xidməti” MMC-nin direktoru Binnət Əli Qasımovun iştirakı ilə Pirşağıda yaşayan ailələrə bibəriyyə bitkiləri təqdim edilib. Artıq 40 ailəyə hər birinə 250 olmaqla 10 mindən çox bibəriyyə bitkisi verilib. Növbəti aylarda ailələrin sayı artırılacaq və hər bir ailəyə verilən bitkilərin sayı 500-ə çatdırılacaq.

Qeyd edək ki, hər bir ailə onun üçün müəyyən edilmiş aylıq vəsait qarşılığında bu bitkilərə qulluq edəcək. Bitkilər 6-12 ay müddətində ailələrdən geri götürüləcək və onların istəyinə uyğun olaraq yeniləri ilə əvəz edilə bilər.

“Çiçəklənən Abşeron” layihəsinin məqsədi özünüməşğulluğun inkişafına, aztəminatlı ailələrin əlavə gəlir əldə etməsinə və ailə təsərrüfatlarının inkişafına dəstək olmaq, həmçinin yaşıllıqların artırılmasına, bitkiçiliyin və kənd təsərrüfatı sahəsində emalının inkişafına töhfə verməkdir.

Koronavirus (COVID-19) pandemiyası ilə bağlı mövcud şəraitdə “Çiçəklənən Abşeron” layihəsinin əhəmiyyəti ondan ibarətdir ki, ailələr yaşadıqları evləri tərk etmədən, öz həyətyanı sahələrində bitkiləri yetişdirməklə əlavə gəlir əldə edir və ailə büdcələrinə dəstək olurlar.

Layihə çərçivəsində becərilən bitkilər hazırda Bakı şəhərinin və ətraf rayonların abadlaşdırılması işlərində istifadə olunur, həmçinin emal olunaraq müxtəlif kosmetik məhsullar və yağlar alınır.

Ümumilikdə, 2019-cu ildən həyata keçirilən “Çiçəklənən Abşeron” layihəsi çərçivəsində Balaxanı, Zirə, Novxanı, Əmircan, Ramana və Pirşağıda yaşayan 600-dən çox aztəminatlı ailəyə 270 minə yaxın müxtəlif bitkilər (lavanda, bibəriyə və s.) verilib.

Qeyd edək ki, “Çiçəklənən Abşeron” layihəsi KOBİA-nın təsis etdiyi “Birgə İnvest" MMC və “Bakı Abadlıq Xidməti” MMC-nin nəzdində fəaliyyət göstərən “Balaxanı Green Garden” arasında 2019-cu ildə imzalanmış əməkdaşlıq müqaviləsi çərçivəsində həyata keçirilib.