Please ensure Javascript is enabled for purposes of website accessibility
Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
KOB-ların satış imkanlarının genişləndirilməsi, alış-veriş, master-klasslar və mədəni proqram - “KOB FEST” başlayır Birləşmiş Ərəb Əmirliklərinin iqtisadiyyat nazirinin müavini “Bakı KOB evi”ndə olub KOB-lar "Caspian Oil and Gas" Sərgisində Ölkə regionlarında “KOB FEST” sərgi-satış yarmarkaları keçiriləcək KOBİA ilə Belarus Ticarət və Sənaye Palatası arasında sənəd imzalanıb “Startap” şəhadətnaməsi almış KOB subyektlərinin sayı 151-ə çatıb KOBİA yanında İctimai Şuranın təşkilatçılığı ilə quşçuluq ilə bağlı ictimai müzakirə təşkil olunub “Gənc MÜSİAD Azərbaycan”ın üzvləri olan tələbələrlə görüş keçirilib KOBİA Beynəlxalq Xəzər Neft və Qaz Sərgisində “yaşıl KOB” konsepsiyası ilə çıxış edir KOB subyektlərinin layihələrinin maliyyələşdirilməsi üçün elan edilmiş 5-ci qrant müsabiqəsinin nəticələri açıqlanıb
“İşgüzar Qadınlar Liqası” keçirilib 05.03.20
“İşgüzar Qadınlar Liqası” keçirilib

Azərbaycan Respublikasının Kiçik və Orta Biznesin İnkişafı Agentliyinin (KOBİA) təşkilatçılığı ilə Azərbaycanın ictimai-siyasi və iqtisadi həyatında fəal rol oynayan və sahibkarlıq fəaliyyəti ilə məşğul olan qadınların iştirakı ilə “İşgüzar Qadınlar Liqası” keçirilib.

Tədbirdə çıxış edən İqtisadiyyat nazirinin müavini Sevinc Həsənova Azərbaycanın ictimai-siyasi həyatında qadınların fəaliyyətini vurğulayıb, qadın sahibkarların məşğulluğun artmasında, özəl bölmənin inkişafında rolunu qeyd edib, bu sahədə həyata keçirilən dövlət dəstəyi tədbirləri barədə məlumat verib. Nazir müavini qadın sahibkarlara dövlət dəstəyinin daha da gücləndirilməsinin və qadınlarda biznes fəaliyyətinə marağın artırılmasının önəmini diqqətə çatdırıb, 8 mart Beynəlxalq Qadınlar Günü münasibətilə qadınları təbrik edib, onlara uğurlar arzulayıb.

KOBİA-nın İdarə Heyətinin sədri Orxan Məmmədov Agentliyin ölkəmizdə kiçik və orta sahibkarlığın inkişafı istiqamətində həyata keçirilən tədbirlər çərçivəsində öz biznesini qurmaq istəyən və sahibkarlıq fəaliyyəti ilə məşğul olan qadınlarla sıx əməkdaşlıq etdiyini, KOBİA-nın dəstək və xidmətlərindən qadınların da yararlandığını bildirib.

Tədbir çərçivəsində Ailə, Qadın və Uşaq Problemləri üzrə Dövlət Komitəsinin sədr müavini Sədaqət Qəhrəmanova, Azərbaycan Qadın Sahibkarlığının İnkişafı Assosiasiyasının sədri Səkinə Babayeva, millət vəkili Qənirə Paşayeva, sahibkar Rəna Yüzbaşı Azərbaycan qadınlarının bütün sahələrdə fəallıq nümayiş etdirdiklərini, qadınların sahibkarlığın və digər sahələrin inkişafında rolunu diqqətə çatdırıblar.

Tədbirdə sahibkar qadınlar müxtəlif nominasiyalar üzrə mükafatlandırılıb, KOBİA-nın dəstək və xidmətlərindən istifadə edərək öz biznesini quran və genişləndirən qadınlar barədə “Uğur sahibləri” filmləri nümayiş olunub.

Powered by Froala Editor