Please ensure Javascript is enabled for purposes of website accessibility
Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
1-ci İraq-Azərbaycan biznes forumu keçirilib 100-ə yaxın yerli şirkətin məhsulları və istehsal texnologiyaları “1-ci Yerli İstehsalat və İstehsal Texnologiyaları Sərgisi”ndə nümayiş olunacaq “Əlilliyi olan sahibkarların idarəetmə bacarıqlarının artırılması” layihəsi çərçivəsində təlimlər keçirilib Daxili bazar araşdırmasının aparılmasında hansı hüquqi və fiziki şəxslər iştirak edə bilər? Azərbaycanlı startapçının layihəsi Türkiyə, Gürcüstan və Orta Asiyada tətbiq ediləcək İndiyədək 630-dan çox gənc KOBİA-da könüllü fəaliyyətinə cəlb edilib Fermerlərə dəstəklə bağlı tədbir keçirilib “Heydər Əliyev və özəl tibb sektoru” mövzusunda tədbir keçirilib KOB subyektlərinin layihələrinin maliyyələşdirilməsi üçün elan edilmiş 4-cü qrant müsabiqəsinin nəticələri açıqlandı Biznes layihələr və ideyalar bir platformada - www.invest.smb.gov.az
Kiçik və Orta Sahibkarlıq Siyasəti İndeksi ilə bağlı tədbir keçirilib 21.11.22
Kiçik və Orta Sahibkarlıq Siyasəti İndeksi ilə bağlı tədbir keçirilib

Kiçik və Orta Sahibkarlıq Siyasəti İndeksi (SME Policy İndex) üzrə növbəti qiymətləndirmə mərhələsinə hazırlıq məqsədilə İqtisadi Əməkdaşlıq və İnkişaf Təşkilatı (İƏİT) və İqtisadiyyat Nazirliyinin dəstəyi, Kiçik və Orta Biznesin İnkişafı Agentliyinin (KOBİA) təşkilatçılığı ilə tədbir təşkil olunub. Tədbirdə müvafiq dövlət qurumlarının nümayəndələri və özəl sektor təmsilçiləri iştirak ediblər.  

İqtisadiyyat nazirinin müşaviri Emil Məcidov qiymətləndirmənin hər il olmaqla artıq 10 ildir ki aparıldığını və onun kiçik və orta biznesin (KOB) inkişafı sahəsində fəaliyyətin təkmilləşdirilməsi baxımından əhəmiyyətli olduğunu bildirib. Ölkəmizdə son dövrlər KOB sektorunun inkişafı sahəsində müxtəlif qurumlar tərəfindən bir çox tədbirlərin həyata keçirildiyini və yeni təşəbbüslərin icra olunduğunu diqqətə çatdıran Emil Məcidov  aidiyyəti qurumları qiymətləndirmə prosesində fəal iştiraka dəvət edib.     

Sonra İqtisadiyyat Naziliyinin, KOBİA-nın, Sahibkarlığın İnkişafı Fondunun və Sahibkarlar (İşəgötürənlər) Təşkilatları Milli Konfederasiyasının nümayəndələri müvafiq qurumlar tərəfindən KOB subyektlərinin dəstəklənməsi, biznes mühitinin davamlı olaraq yaxşılaşdırılması və biznesin gözləntiləri barədə çıxışlar ediblər. 

Tədbir çərçivəsində İƏİT ekspertləri tərəfindən “Kiçik və Orta Sahibkarlıq Siyasəti İndeksi” (SME Policy İndex) üzrə ötən qiymətləndirmə çərçivəsində Azərbaycanın əldə etdiyi irəliləyişlər, növbəti qiymətləndirmə ilə bağlı məlumatlar təqdim edilib və iştirakçıların sualları cavablandırılıb.   

Qeyd edək ki, “Kiçik və Orta Sahibkarlıq Siyasəti İndeksi” (SME Policy İndex) KOB-lar üzrə siyasətlərin hazırlanması və həyata keçirilməsi prosesinin Avropa İttifaqı ölkələrinin və digər qabaqcıl beynəlxalq təcrübələr ilə müqayisədə qiymətləndirilməsinə imkan verən alətdir. Qiymətləndirmə Avropa İttifaqı, Avropa Yenidənqurma və İnkişaf Bankı və Avropa Təlim Fondu ilə birgə İƏİT tərəfindən hazırlanıb və 2012-ci ildən başlayaraq Şərq Tərəfdaşlığı ölkələrində həyata keçirilir.   

Powered by Froala Editor