Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
2021-2022-ci illər üçün “EY İlin İş Adamı” müsabiqəsinə start verildi Neftçala və Salyan sahibkarlarına məsləhət xidmətləri göstərilib Sahibkarlar arasında mini futbol turniri keçiriləcək Azərbaycanda Sosial Sahibkarlıq Forumu keçirilib Gəncədə incəsənət, sənətkarlıq və yaradıcılıq sərgi-satış yarmarkası keçiriləcək KOB inkişaf mərkəzləri sahibkarlar arasında əlaqələrin genişlənməsinə dəstək göstərir KOB-ların uçot və hesabatlığının sadələşdirilməsi və təkmilləşdirilməsi imkanları müzakirə edilib “Qiymətli kağızların buraxılışı və Fond Birjasında listinq” mövzusunda təlim keçirilib Daha 4 sahibkarlıq subyektinə “Startap” şəhadətnaməsi verilib Aqrar sahədə fəaliyyət göstərən sahibkarlar KOBİA-nın dəstək və xidmətləri barədə məlumatlandırılıb
KOB-ların rəqəmsallaşması sahəsində müzakirələr aparılıb 10.06.21
KOB-ların rəqəmsallaşması sahəsində müzakirələr aparılıb

Kiçik və Orta Biznesin İnkişafı Agentliyinin (KOBİA) təşkilatçılığı ilə İqtisadi Əməkdaşlıq və İnkişaf Təşkilatının (OECD) “Azərbaycanda KOB-ların rəqəmsallaşmasının təşviqi” layihəsinin icrası məqsədilə yaradılmış İşçi Qrupunun ilk görüşü keçirilib.


Onlayn formatda təşkil olunmuş görüşdə Azərbaycanda KOB-ların rəqəmsallaşması ilə bağlı siyasətin hazırlanması və həyata keçirilməsi prosesinə cəlb olunmuş dövlət qurumlarının və təşkilatların, Avropa İttifaqının Azərbaycan ofisinin, OECD-nin nümayəndələri, beynəlxalq ekspertlər və mütəxəssislər iştirak ediblər.


Vebinarda KOBİA ilə yanaşı, İqtisadiyyat, Kənd Təsərrüfatı, Nəqliyyat, Rabitə və Yüksək Texnologiyalar nazirliklərinin, Azərbaycan Mərkəzi Bankı, Vətəndaşlara Xidmət və Sosial İnnovasiyalar üzrə Dövlət Agentliyi, Dövlət Statistika Komitəsi və Sahibkarlar (İşəgötürənlər) Təşkilatları Milli Konfederasiyasının nümayəndələri KOB-ların rəqəmsallaşması istiqamətində müvafiq qurumların strateji fəaliyyət gündəliyi, həyata keçirilən tədbirlər və bu sahədə çağırışlar barədə məlumat veriblər. Tədbirdə həmçinin, beynəlxalq ekspertlər tərəfindən KOB-ların rəqəmsal transformasiyanın dəstəklənməsi istiqamətində mütərəqqi təcrübələr və bu sahədə tətbiq edilən yanaşmalar barədə təqdimatlar olub. Onlayn tədbir müzakirələr və sual-cavab sessiyası ilə başa çatıb.


“Azərbaycanda KOB-ların rəqəmsallaşmasının təşviqi” layihəsi İqtisadiyyat Nazirliyi və KOBİA tərəfindən Avropa İttifaqının maliyyə dəstəyi ilə OECD tərəfindən “EU4Businsess” təşəbbüsü çərçivəsində həyata keçirilir. Layihənin məqsədi KOB-ların rəqabət qabiliyyətinin yüksəldilməsinə dəstək olmaq üçün Azərbaycanda KOB-ların rəqəmsal transformasiyasını təşviq etməkdir. Layihənin yekununda OECD ölkələrinin təcrübəsi nəzərə alınmaqla Azərbaycan üzrə görüləcək tədbirlərə dair tövsiyələr hazırlanacaqdır.  

Powered by Froala Editor