KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib

KOBİA sahibkarları aprel ayında təşkil olunacaq sahəvi görüşlərə dəvət edir 02.04.21

Kiçik və Orta Biznesin İnkişafı Agentliyi (KOBİA) tərəfindən sahibkarlar üçün hər ay müxtəlif mövzularda onlayn sahəvi görüşlər təşkil olunur. Mikro, kiçik və orta biznes (KOB) subyektləri aprel ayında keçiriləcək sahəvi görüşlərlə bağlı ətraflı məlumatı KOBİA-nın rəsmi internet səhifəsindən əldə edə bilərlər (https://smb.gov.az/az/events?slug=tedbir).

Aidiyyəti dövlət qurumlarının və biznes assosiasiyaların nümayəndələrinin iştirakı ilə təşkil olunan sahəvi görüşlərdə sahibkarları narahat edən problemlər və onların həlli yolları müzakirə edilir, KOB-ların ehtiyacları və təklifləri öyrənilir, sahibkarları maraqlandıran suallar cavablandırılır. Həmçinin, sahəvi görüşlərdə sahibkarlar tərəfindən qaldırılan məsələlərin həlli üçün dövlət-sahibkar əməkdaşlığı platforması çərçivəsində müvafiq tədbirlər görülür, təkliflər ümumiləşdirilərək aidiyyəti qurumlara təqdim olunur.

KOBİA sahibkarları hər ay təşkil olunan sahəvi görüşlərdə aktiv iştirak etməyə dəvət edir. Eyni zamanda sahibkarlar müzakirəsinə ehtiyac duyduqları məsələlərlə bağlı sahəvi görüşlərin keçirilməsi üçün təkliflərini Agentliyə təqdim edə bilərlər (info@smb.gov.az).

Qeyd edək ki, indiyədək KOBİA tərəfindən müxtəlif mövzularda 60 sahəvi görüş təşkil olunub. Bu görüşlərdə sahibkarlar tərəfindən səsləndirilən bir sıra problemlər dövlət-sahibkar əməkdaşlığı platforması çərçivəsində müsbət həllini tapıb, eləcə də səsləndirilən bir sıra təkliflər sahibkarlıq fəaliyyəti ilə bağlı qanunvericilikdə dəyişikliklərin edilməsi, müxtəlif dəstək mexanizmlərinin yaradılması və mövcud dəstək tədbirlərinin təkmillədirilməsi prosesində nəzərə alınıb.