KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib

KOBİA sosial sahibkarlıq ilə bağlı beynəlxalq tədbirə qatılıb 28.05.21

Azərbaycan Respublikasının Kiçik və Orta Biznesin İnkişafı Agentliyi (KOBİA) Avropa Komissiyası və Mannheim şəhər Administrasiyasının təşkilatçılığı, Almaniya Beynəlxalq Əməkdaşlıq Cəmiyyəti (GİZ) və İsveçrə İnkişaf və Əməkdaşlıq Agentliyinin (SECO) dəstəyi ilə təşkil edilmiş “Avropa Sosial İqtisadi Sammiti 2021” tədbirində təmsil olunub.

KOBİA-nın İdarə Heyəti sədrinin müavini Mehman Abbas “Şərq tərəfdaşlığı ölkələrində sosial iqtisadiyyat – siyasət dəyişiklikləri və əməkdaşlıq imkanları” mövzusundakı paneldə Azərbaycanda sosial sahibkarlığın inkişafı istiqamətində mövcud vəziyyət, əldə edilmiş uğurlar və inkişaf perspektivləri barədə məlumat verib. Vurğulanıb ki, sosial sahibkarlıq sosial baxımdan həssas qruplar üçün layiqli məşğulluq və gəlir imkanlarının formalaşdırılması, o cümlədən onların cəmiyyətə hərtərəfli inteqrasiyası baxımından Azərbaycan hökumətinin gündəliyindəki prioritet istiqamətlərdəndir. Sosial biznes təşəbbüsləri ölkəmizdə uğurla həyata keçirilən sahibkarlığın inkişafı siyasətinin tərkib hissəsi olaraq, bu sahədə qanunvericilik və zəruri infrastrukturun daha da inkişaf etdirilməsi, sosial biznesə dəstək mexanizmlərinin çeşidinin və əhatəliliyinin artırılması, bu sahədə maarifləndirmə və məlumatlandırma işinin gücləndirilməsi, müvafiq tərəfdaş təşkilatları cəlb etməklə bilik və bacarıqların gücləndirilməsi istiqamətində tədbirlər həyata keçirilməkdədir.

Qeyd edək ki, 2 gün davam etmiş “Avropa Sosial İqtisadi Sammiti 2021” tədbirində 100 yaxın ölkədən 3 minə qədər nümayəndə iştirak edib. Tədbirdə sosial sahibkarlıq sahəsində qlobal meyllər və çağırışlar barədə müzakirələr və müxtəlif ölkələr üzrə təcrübə mübadiləsi aparılıb.