KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib

KOBİA Virtual Sahibkarlar Yarmarkasının fəaliyyətini dəstəkləyir 18.12.20

Dekabrın 18-də 100-ə yaxın sahibkarın 20-dək sahə üzrə 500 çeşiddən çox məhsullarının nümayiş olunduğu Virtual Sahibkarlar Yarmarkasının açılışı olub.

Yarmarka Avropa İttifaqının maliyyələşdirdiyi “Azərbaycan regionlarında dayanıqlı mikro sahibkarlığın inkişafının sürətləndirilməsi” layihəsi çərçivəsində reallaşdırılır.

Virtual yarmarka ilə bağlı Azərbaycan Mikromaliyyə Assosiasiyası, Azərbaycan Sahibkarlar (İşəgötürənlər) Təşkilatları Milli Konfederasiyasının təşkilatçılığı ilə istehsalçı, təchizatçı, istehlakçı və müvafiq qurumların məlumatlandırılması məqsədilə təşkil olunmuş onlayn tədbirə Kiçik və Orta Biznesin İnkişafı Agentliyi (KOBİA) də qatılıb.

Tədirdəki çıxışında KOBİA-nın İdarə Heyətinin sədri Orxan Məmmədov Agentliyin mikro sahibkarlığın inkişafına dəstəyi nəzərdə tutan platformaları dəstəklədiyini, coğrafi əhatəlilik və geniş məhsul çeşidlərinin satışına dəstəyi nəzərdə tutan layihənin effektiv olacağına əminliyini vurğulayıb. Qeyd olunub ki, yarmarkaya qatılan iştirakçıların əksəriyyətinin qadın sahibkarlar olması, platformanın hazırkı pandemiya şəraitində təşkili xüsusilə əhəmiyyətlidir. Layihədə təmsil olunan mikro sahibkarların növbəti mərhələdə KOBİA-nın daxili bazar araşdırmalarına dəstək, KOB inkişaf mərkəzinin xidmətlərindən ödənişsiz istifadə, “KOB Dostu” şəbəkəsi vasitəsilə yerində hərtərəfli dəstək, Agentliyin yaxın vaxtlarda fəaliyyətə başlayacaq onlayn satış platformasından istifadə etməsi onların inkişafı üçün faydalı olacaqdır.

Qeyd edək ki, Virtual Sahibkarlar Yarmarkasının açılışına həsr olunmuş onlayn tədbirdə Azərbaycan Mikromaliyyə Assosiasiyasının İdarə Heyətinin sədri Cəlal Əliyev, Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının prezidenti Məmməd Musayev, Avropa İttifaqının Azərbaycan Respublikasındakı Nümayəndəliyinin rəhbəri, səfir Kestutis Yankauskas, Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsinin sədri Ramilə Seyidova, İslam İnkişaf Bankının Davamlılıq və Sosial İnkişaf Departamentindən Kristonia Lokhart və digərləri iştirak ediblər.