KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

KOBİA və Somali Federativ Respublikasının nümayəndələri arasında görüş keçirilib Keniya nümayəndə heyəti “Bakı KOB evi”nin fəaliyyəti ilə tanış olub Ekoloji, sosial və korporativ idarəetmə standartları üzrə alt-qrupun növbəti iclası keçirilib Qazaxıstanın tələbə və magistrları “Bakı KOB evi”ndə olublar “Startap” şəhadətnaməsi hansı meyarlar əsasında verilir? – MƏLUMATLANDIRMA KOBİA “Caspian Investment Forum Bishkek 2024” tədbirində iştirak edib Bu ilin birinci rübündə 16 KOB subyektinə “Startap” şəhadətnaməsi verilib Dövlət-sahibkar əməkdaşlığı platforması çərçivəsində sahibkarlarla görüşlər davam edir Kənd təsərrüfatı və qida sektorunda fəaliyyət göstərən KOB subyektlərinin nəzərinə! KOBİA nümayəndə heyəti İzmirdə səfərdə olub

Regionlarda qadın sahibkarlığın inkişafının dəstəklənməsi üçün KOBİA və UAFA əməkdaşlıq edəcək 21.12.20

Azərbaycan Respublikasının Kiçik və Orta Biznesin İnkişafı Agentliyi (KOBİA) ölkəmizdə sosial sahibkarlığın inkişafını təşviq edir, bu sahədə müvafiq dövlət qurumları və özəl sektorla birgə müxtəlif tədbirlər və layihələr həyata keçirir.

Bu istiqamətdə dekabrın 21-də KOBİA və Azərbaycana Birgə Yardım Təşkilatı (United Aid for Azerbaijan – UAFA) arasında ölkədə qadın sahibkarlığının inkişafına dəstək istiqamətində əməkdaşlığa dair Niyyət Protokolu imzalanıb. Sənədi KOBİA-nın İdarə Heyətinin sədri Orxan Məmmədov və UAFA-nın rəhbəri xanım Qven Börçell imzalayıblar.

Niyyət Protokoluna uyğun olaraq, regionlarda qadın sahibkarlığın inkişafı və məşğulluğunun genişləndirilməsinə, onların biznes bacarıqlarının gücləndirilməsi və maarifləndirilməsinə, özəl sektorda inklüziv və keyfiyyətli məktəbəqədər tədris proqramlarının təşkilinə, eləcə də UAFA-nın “Məktəbim” Proqramına dəstək göstərilməsi, dövlət və özəl sektor arasında praktiki əlaqələrin genişləndirilməsi və bu sahədə innovativ təşəbbüslərin dəstəklənməsi istiqamətlərində birgə tədbir və layihələrin həyata keçirilməsi nəzərdə tutulur.

İmzalanma mərasimi çərçivəsində keçirilmiş görüşdə Agentliyin sosial sahibkarlıq sahəsində həyata keçirdiyi tədbirlər və layihələr barədə məlumat verilib, birgə əməkdaşlıq istiqamətləri barədə müzakirələr aparılıb. Agentliyin təsis etdiyi “BİRGƏ” MMC-nin dəstəyi ilə “Qobu park 3” yaşayış kompleksində reallaşdırılmış sosial və biznesyönümlü müəssisələrin, “Bakı Abadlıq Xidməti” MMC ilə birgə həyata keçirilən “Çiçəklənən Abşeron” layihəsinin əhəmiyyəti vurğulanıb. Həmçinin, Azərbaycanın işğaldan azad olunmuş ərazilərinin biznes potensialı diqqətə çatdırılıb, KOBİA-nın bu ərazilərdə sosial biznes təşəbbüslərinin dəstəklənməsində maraqlı olduğu bildirilib.