KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib

Sahibkarlar üçün “Elektron dövlət qeydiyyatından istifadə” mövzusunda seminar təşkil edilib 17.03.21

Martın 16-da İqtisadiyyat Nazirliyi yanında Dövlət Vergi Xidməti (DVX) və Kiçik və Orta Biznesin İnkişafı Agentliyinin (KOBİA) birgə təşkilatçılığı ilə onlayn seminar keçirilib.

“Elektron dövlət qeydiyyatından istifadə” mövzusunda təşkil olunmuş tədbirdə startaplar, mikro və kiçik sahibkarlıq subyektləri, eləcə də öz biznesini qurmaq istəyən şəxslər iştirak ediblər.

Tədbirdə DVX-nın şöbə rəisi Hüsniyyə Abdullayeva sahibkarlığın təşviqi və biznesə başlamaq üçün yaradılmış müasir qeydiyyat sistemlərinin əhəmiyyətini vurğulayaraq dövlət qurumları tərəfindən biznesin elektronlaşdırılması ilə bağlı həyata keçirilən tədbirlər barədə məlumat verib. Bildirilib ki, onlayn qeydiyyat sisteminin həyata keçirilməsində məqsəd biznesə başlama prosedurlarının sadələşdirilməsi, vaxta qənaət, şəffaflığın təmin olunması, məmur-sahibkar ünsiyyətinin minimuma endirilməsi və vətəndaş məmnunluğunun artırılmasıdır. Bu sistemə əsasən qeydiyyat sənədləri vergi ödəyicisinin elektron kabinetinə onlayn qaydada göndərilir və sənədlərin kağız daşıyıcılarda saxlanılmasına zərurət yaranmır.

2018-ci ilin sonundan vergi ödəyicisinin qeydiyyatı yeni üsulla (FİN-kod və mobil nömrə vasitəsilə) və cəmi bir prosedurla (qeydiyyat, ƏDV qeydiyyatı və bank hesabının açılması birlikdə) həyata keçirilir. Yeni üsulla qeydiyyat zamanı əmək müqavilələri Əmək və Əhalinin Sosial Müdafiəsi Nazirliyinin elektron sisteminə e-imza tələb olunmadan, elektron qaydada ötürülür, qeydiyyat sənədləri elektron dövriyyə edir. Nəticədə qeydiyyat prosesi tam sadələşib, biznesə başlamaq üçün maliyyə vəsaiti və sənəd tələb olunmur, bütün informasiyalar vahid mərkəzdə toplanır, qeydiyyat məlumatları dərhal aidiyyəti orqanlara göndərilir. Elektron kabinetə göndərilmiş qeydiyyat sənədlərinin bütün dövlət qurumları, banklar, notariuslar və digər təşkilatlarda qəbul edilməsi üçün qanunvericilik bazası və inzibatçılıq da təkmilləşdirilib. Beləliklə, qeydiyyat sahəsində aparılmış son islahatlar yerli investisiyalı MMC-nin dövlət qeydiyyatının maksimum elektronlaşdırılmasına imkan yaradıb.

Tədbir zamanı müvafiq sahədə aparılan islahatlar, qeydiyyat üzrə ləğv olunan prosedurlar, hüquqi şəxslərin bir prosedurla onlayn dövlət qeydiyyatı, elektron sistem və ondan istifadə qaydaları ilə bağlı proseslər əyani şəkildə izah edilib. Bundan əlavə, təkmilləşdirilmiş elektron müraciət sisteminin üstünlükləri, ondan istifadə qaydaları ilə bağlı məlumat verilib, müvafiq təlimat videoçarxı nümayiş olunub, tədbir iştirakçılarının sualları cavablandırılıb.