Please ensure Javascript is enabled for purposes of website accessibility
Мы связываем социально-экономическое развитие Азербайджана непосредственно с предпринимательством и его развитием.
Состоялась конференция по презентации единой платформы и национального стандарта по ESG Принят национальный стандарт по экологическому, социальному и корпоративному управлению Выставка-Ярмарка «KOB FEST» в Хачмазе Бизнес-план – залог успешного и устойчивого бизнеса Проведён конкурс стартапов «От нас бизнесу» Состоялась встреча с предпринимателями Джалилабада и Гёйчая В этом году оказана поддержка предпринимателям и желающим начать бизнес, для которых было составлено 220 бизнес-планов В Губе прошла встреча с предпринимателями В Хачмазе проходит выставка-ярмарка «KOB FEST» Каким должен быть экологически чистый бизнес?
KOBİA-da özünüməşğulluq proqramına cəlb olunmuş iştirakçılar üçün təlim keçirilir 06.05.19
KOBİA-da özünüməşğulluq proqramına cəlb olunmuş iştirakçılar üçün təlim keçirilir

Azərbaycan Respublikasının Kiçik və Orta Biznesin İnkişafı Agentliyi (KOBİA) əhali arasında sahibkarlıq fəaliyyətinin genişləndirilməsi, mikro və kiçik sahibkarlığın inkişafı, məşğulluqda KOB subyektlərinin payının artırılması məqsədilə özünüməşğulluğa dəstək göstərəcək.

Bu dəstək 3 istiqamətdə olmaqla Agentliyin ölkənin 12 şəhər və rayonunda fəaliyyət göstərən “KOB Dostu” şəbəkəsi vasitəsilə həyata keçiriləcək. Bu istiqamətlərdən biri özünüməşğulluq proqramına cəlb olunmuş şəxslər üçün təlimlərin təşkil olunmasıdır.

Mayın 6-da KOBİA və Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti tərəfindən Bakı şəhərində özünüməşğulluq proqramına cəlb olunmuş şəxslər üçün təlimlərə başlanılıb. KOBİA-nın inzibati binasında keçirilən təlimlər 1 ay davam edəcək. Təlimlərdə özünüməşğulluq proqramına cəlb olunmuş 15 nəfər iştirak edir. Onlara təlim çərçivəsində özünüməşğulluq proqramı, xidmət və istehsalla bağlı biznes planların hazırlanması, sahibkarlıq sahəsində hüquqi məsələlər tədris olunacaq. Təlimləri uğurla başa vuran iştirakçılara sertifikat veriləcək.

Bakı ilə yanaşı, Gəncə və Yevlax şəhərlərində, Qəbələ, Quba, Qusar və Xaçmaz rayonlarında fəaliyyət göstərən “KOB Dostu” ofislərində də özünüməşğulluq proqramına qoşularaq sahibkarlıq fəaliyyəti ilə məşğul olmaqda maraqlı olan şəxslər üçün təlimlər keçirilir. Ümumilikdə bu təlimlərdə 94 nəfər iştirak edir.

Məlumat üçün qeyd edək ki, özünüməşğulluq proqramına qoşulmaq istəyən şəxslər məşğulluq mərkəzləri ilə yanaşı, artıq Agentliyin KOB dostlarına da müraciət edə bilərlər. KOB dostları tərəfindən müraciət edən şəxslərə özünüməşğulluq proqramı barədə ətraflı məlumat verilir, onların proqrama qoşulmasına dəstək göstərilir.

KOBİA-nın özünüməşğulluğa göstərəcəyi dəstəyin digər istiqaməti Əmək və Əhalinin Sosial Müdafiəsi Nazirliyi tərəfindən zəruri aktivlərlə (mal, material, avadanlıq və digər əmlak) təmin olunmuş şəxslərə mikro və kiçik biznes subyektinə çevrilmələri üçün KOB dostları vasitəsilə məsləhət və digər zəruri xidmətlərin göstərilməsi ilə bağlı olacaqdır.

Powered by Froala Editor