SMB

We believe Azerbaijan’s socio-economic development is closely linked with entrepreneurship and its future development!

Three More SMEs Awarded “Startup” Certificates Public discussion is organized due to green transport business Opportunities for entrepreneurial activities in regions : SME Friends, SME Development Agencies The Promotional Exhibition of Local Companies is Commencing Meeting was held with Entreprenuers engaed in import and export 8th Plenary Session of the CICA Business Council and the 10th Business Forum Held in Baku Attention to SMEs Wishing to Showcase Their Products and Services at the “2nd Turkic Trade Fair”! Young Entrepreneurs from Azerbaijan and Turkiye Discuss Prospects for Cooperation With Government Support, Nearly 10 Entrepreneurs Participate in “Caspian Agro” and “InterFood Azerbaijan” Exhibitions Another Training Held for Entrepreneurs Engaged in Export Activities

Ekoloji, sosial və korporativ idarəetmə standartları üzrə Yol Xəritəsinin icrasına başlanılıb 25.02.25

ESG prinsiplərinin təbliği və tətbiqində səmərəli fəaliyyətin görə ESG altqrupunun üzvlərinə təşəkkürnamələr təqdim olunub.

Biznes Mühiti və Beynəlxalq Reytinqlər üzrə Komissiyanın Kiçik və Orta Biznesin İnkişafı Agentliyinin (KOBİA) rəhbərlik etdiyi “Korporativ idarəetmə, investisiyalar və korporativ sosial məsuliyyət” İşçi Qrupunun “Ekoloji, sosial və korporativ idarəetmə (ESG) standartları üzrə” altqrupunun 2025-ci il üzrə ilk iclası keçirilib.

“Bakı KOB evi”ndə Komissiyanın və KOBİA-nın təşkilatçılığı ilə keçirilmiş iclasda müvafiq dövlət qurumlarının və özəl sektorun nümayəndələri, ekspertlər iştirak ediblər.

Biznes mühiti və beynəlxalq reytinqlər üzrə Komissiyanın Katibliyinin rəhbəri, Azərbaycan Respublikası Prezidentinin Administrasiyasının İqtisadi siyasət vә sənaye mәsәlәlәri şöbәsinin sektor müdiri Vüsal Şıxәliyev və KOBİA-nın İdarə Heyətinin sədri Orxan Məmmədov 2024-cü ildə ESG üzrə altqrupun fəaliyyətini və görülmüş tədbirləri müsbət qiymətləndiriblər. Qeyd olunub ki, ESG ilə bağlı müxtəlif maraqlı tərəflərin məlumatlandırılması, təlimlərin təşkili, ayrı-ayrı sahələr üzrə qanunvericilik çərçivəsinin təkmilləşdirilməsi, metodoloji bazanın inkişaf etdirilməsi, şəbəkələşmə və s. kimi istiqamətlərdə işlər görülüb. Bunlar arasında biznesin rəyi və ehtiyacları əsasında hazırlanmış ESG üzrə milli çərçivə standartı və “ESGhub.az” elektron platforması xüsusilə qeyd edilməlidir. Hər iki məhsul ESG prinsiplərinin geniş təşviqi və bu sahədə qarşıya qoyulmuş hədəflərə çatmaq baxımından əhəmiyyətlidir. Vurğulanıb ki, qarşıdakı dövrdə də ESG üzrə bir sıra tədbirlərin icrası nəzərdə tutulur. Bu məqsədlə artıq ESG üzrə 2025-ci il üçün Yol Xəritəsi təsdiq edilib və icrasına başlanılıb.

İclasda “ESGhub.az” platforması və milli ESG standartına, SOCAR-ın ESG reytinqi üzrə aparılmış tədqiqatın nəticələrinə, eləcə də 2025-ci il üzrə Yol Xəritəsinə dair təqdimatlar keçirilib. Bildirilib ki, ESG üzrə 2025-ci il üçün Yol Xəritəsində nəzərdə tutulan tədbirlər üç mühüm istiqaməti əhatə edir. Bunlar ESG üzrə milli standart və rəqəmsal platformanın effektiv istifadə edilməsi və onlardan mümkün qədər faydalanmaq, ESG üzr potensialın artırılması, təlim və məlumatlandırma tədbirləri ilə bağlıdır.

Tədbir çərçivəsində Azərbaycan Standartlaşdırma İnstitutu tərəfindən siyahısı təsdiq edilmiş ESG ilə əlaqəli müvafiq beynəlxalq standartları ölkəmizdə tətbiq etmiş ilk şirkət olaraq “Ekvita”nın təcrübəsi dinlənilib.

Həmçinin, ESG prinsiplərinin təbliği və tətbiqində səmərəli fəaliyyətlərinə görə ABB, “Azercell Telecom” MMC, “Ekvita” şirkəti və Ülviyyə Əkbərovaya təşəkkürnamələr təqdim edilib.